淘寶香港便利店、郵局直接提貨

淘寶香港便利店、郵局直接提貨

相關信用卡:

淘寶香港便利店、郵局直接提貨

發表日期: 2014 年 08 月 21 日 更新日期: 2014 年 08 月 21 日 購物

作者:炸雞波

唔少香港人都鍾意淘寶,不過送貨時間屋企未必有人,又唔方便寄公司收,有人就會選擇親自去速遞公司或集運商門市、便利店提貨。最近淘寶官方同香港郵政、7-11、順豐速運、中通快遞、遞四方速遞合作,提供「自提點取貨服務」,加多咗好多提貨點,真係總有一個喺左近,運費亦平啲。而便利店最大好處,就梗係24小時都可以去提貨喇。


要用呢個「自提點取貨服務」,買嘢Checkout個陣,揀「使用轉運服務」,再揀「修改轉運商」,再揀「自提點」,就可以揀地區同收貨地點。新加嘅收貨地點超過200個,當中郵局比較多。唔同嘅收貨地點,貨物重量、運費都有唔同。

Checkout時剔咗「使用轉運服務」,就可以揀提貨地點。

 

撳過去「自提點」,分地區選擇。

 

「自提點取貨服務」資料一覽


官方自取嘅運費,首kg運費都係$20人民幣樓下,中通同遞四方更加係$9,比直接速遞平一大截,亦平過其他速遞公司自己搞嘅轉運或自提服務。而且由8月25號至9月5號,喺淘寶網、天貓或聚划算買嘢,用官方自提點取貨服務仲有優惠,首kg運費有75折。另外有啲信用卡只收1.5%手續費,例如中銀中信銀行(國際)上海商業銀行等等,有呢啲卡就可以慳多啲啲。