淘寶集運教學 各大集運運費比較

大家如果鍾意網購，應該經常都去淘寶網、用淘寶APP睇嘢買嘢，因為大量潮流商品、生活雜貨、電子產品Gadget都可以搵得到，而且價錢都比去實體鋪頭平。不過買得平又未必真係最平，因為仲有運費未計，淘寶集運都要慳到盡，市面上有咁多間淘寶集運嘅公司可以揀，官方集運同私人集運都有，可以點揀呢？下面幫大家做咗各大淘寶集運公司嘅比較，大家可以跟住個教學嚟選擇，到後面仲推薦埋淘寶專用信用卡畀大家。（本文更新至2020年5月18日）

集運運費比較

淘寶集運可以分為「官方集運」同埋「私人集運」。「官方集運」係指同淘寶網合作嘅集運公司，目前只有順豐速遞同官方配送（菜鳥）揀。喺淘寶網畀錢嗰時親可以直接揀埋集運嘅方法，比較方便。但係官方集運運費會比其他私人集運貴，限制亦會比較多，不過保障條款方法又會好返啲。

官方集運

集運公司	首公斤收費	續重(每公斤)	住宅、偏遠地區附加費	存倉限期
順豐集運	派送：$25 便利店取貨：$23 自提點取貨：$23	$8	$20	20日
官方配送	派送：$17.6 自提櫃取貨：$12.4 自提點取貨：$9.7 香港郵政取貨：$12.5	派送：$6.8 自提櫃取貨：$6 自提點取貨：$6 香港郵政取貨：$11	$20	20日

私人集運

 

集運公司	首公斤收費	續重(每公斤)	住宅、偏遠地區附加費
集運王	派送：$20 自取：$10	派送：$7 自取：$6	$25
多寶集運	派送：$18 自取：$10-14	派送：$7 自取：$8	$27
DIMBUY	派送：$52（首5公斤） 自取：$11-26	派送：$10 自取：$9	$24
Funlala	派送：¥18-35 自取：$13	派送：¥6 自取：$7	$25
BUYUP	派送：¥16-32 自取：¥11-22	派送：¥6-8 自取：¥5-6	¥15-30
到貨啦	派送：$20 自取：$10	$8	$25
集運啦	派送：$20 自取：$10	派送：$8 自取：$7	$25
香港集運	¥6	¥3.5	$20
神州集運	派送：¥14-18 自取：¥10-18	派送：¥5-7 自取：¥5-6	¥20-50
全民集運	派送：¥20 自取：¥9.5	派送：¥6 自取：¥4.5	¥25
港寶集運	派送：¥20	派送：¥5-6	¥20-30
正點集運	派送：$36-45 自取：$10-25	派送：$6.6-9 自取：$6	$0-30
淘派	派送：¥13.9-28 自取：¥10-18	派送：¥4.5-8 自取：¥4.3-4.5	¥20

 

淘貴重貨品

既然產淘寶買嘢係買平貨為主，咁大家最好都係避免集運運送貴重物品返香港，一嚟睇圖買貴重物品未必睇到全貌，二嚟集運公司都未必提供足夠保障，一旦運送途中發生特別情況都唔容易追究。

淘寶 淘食物返香港

其實淘寶唔止有衫褲鞋襪、電子產品賣，仲有食物出售，可以送到香港㗎。因為買返嚟始終要食落肚，所以建議到天貓超市香港店購買，呢間係天貓自己經嘅網店，信心會大一啲。而且種類都算足夠，包括「食品飲料」、「糧油副食」、「美容洗護」、「家居百貨」、「家庭清潔」、「母嬰脂品」等許多唔同類別。同香港超市一樣，可以免費送貨，只要買滿250人民幣就可以，而且所有嘢都可以送到香港，唔洗再左睇右睇邊樣送得咁麻煩。

如果要喺其他淘寶商戶買食物就要留意返，邊啲可以送到香港。另外，由於官方集運對貨品種類限制較多，部分敏感貨品好似液體、食物等都唔會運送，所以用戶根據自己揀好嘅貨品種類選擇集運公司。

淘寶信用卡付款

喺香港可以用信用卡直接或者間接喺淘寶購物畀錢，下面幫大家做返個淘寶信用卡比較

畀錢方法	淘寶簽賬手續費	信用卡海外簽賬手續費
Visa / Mastercard直接到淘寶網畀錢	3%	1.5-1.95%
透過AlipayHK用餘額畀錢	0%	-
透過AlipayHK用中銀信用卡畀錢	1.5%	1.95%
透過AlipayHK用其他信用卡畀錢	2.5%	1.5-1.95%
繳費靈PPS	1.5%	-

去淘寶畀錢最抵嘅方法係先搵朋友用信用卡透過AlipayHK轉賬畀你，然後就用AlipayHK餘額畀錢，咁就可以慳到最多4.95%手續費。大家可以考慮用以下呢篇文章，用張高回贈/里數兌換率嘅信用卡做AlipayHK轉賬。

【電子錢包 教學（五）】 AlipayHK 信用卡 增值 轉賬 積分 里數 優惠 合集

或者可以選擇以下信用卡，食埋迎新