比原著更「貼地」  節奏明快的『地獄解碼』
比原著更「貼地」 節奏明快的『地獄解碼』
相關信用卡:

比原著更「貼地」 節奏明快的『地獄解碼』

發表日期: 2016 年 11 月 04 日 更新日期: 2016 年 11 月 04 日 生活
作者:Arthur

對於『地獄解碼』呢一套作品,甚至係「羅柏.蘭登」呢個系列,相信有印象嘅朋友真係冇幾個。不過如果同你講『達文西密碼』同『天使與魔鬼』嘅續集,印象係咪即刻返晒嚟呢? 冇錯,今次要講嘅,就係改編自丹.布朗的地獄……丹.布朗「羅柏.蘭登」系列第4作『地獄』(第3作『失落的密碼』並沒有拍成電影)嘅『地獄解碼』。

 

故事簡介

宗教符號學教授羅柏.蘭登(湯漢斯 飾)一覺醒來,驚覺自己身在意大利醫院,更失去記憶及神智錯亂。他只好尋求醫生席耶娜(菲莉絲迪鍾斯 飾)的協助,豈料雙雙遭人追殺! 

羅柏在尋找記憶的同時,意外發現意大利中世紀詩人但丁(Dante)著作《神曲–地獄篇》裡的玄機。然而當羅拔調查下去,眼前似是而非的線索原來暗藏可引致舉世淪陷的驚天大陰謀!一場蔓延全球的大瘟疫即將發生,羅拔和Sienna要如何阻止這場滅世危機發生?

 

一改原著舖排,更接近大眾

 

如果你係小說黨,甚至係丹·布朗嘅死忠的話,不好意思,你可以按「上一頁」啦,先唔理小說同電影結局嘅差異問題,今次電影嘅一大優點,對小說黨嚟講正好就係一個小小缺點。

 

睇開丹·布朗嘅朋友相信都有個共識,就係系列好鍾意「拋一大堆書包」,歷史、藝術、宗教等等一堆知識估據咗電影一大段篇幅。於是喺上兩套電影,就有好多抱住入場「放鬆」嘅朋友難免會覺得套戲「講多過做」。

 

而『地獄解碼』,正好就修正咗呢個問題。雖然影片基本結構仍然係由教授好「驚天奪寶」咁一路「尋找」、「破解」線索,不過今集就刪減咗好多「偽推理」嘅部分,再為教授每次都直接道出必要資料同結論。令觀眾需要處理嘅訊息量大大減少。但又不會有「今次冇拋書包」嘅感覺。(反正嗰堆資訊九成人都係聽完就算。)當然,鍾意「食晒」所有資訊嘅小說黨就另計啦。

 

同時,今次故事以插叙方式開始,以最大路嘅「失憶」成功保持懸念,朗侯活於節省「推理」部分而多出嚟嘅時間,就安排咗好幾組的追逐戲,營造『占士邦系列』、『叛碟』系列嗰種緊張感,一洗之前「講多過做」嘅感覺。

 

題材更加接近觀眾口味

 

香港觀眾最喜歡「貼地」,題材要係身邊發生嘅話題,故事舞台要係旺角、大埔,最好發生喺自己屋企樓下。以往兩套電影內容都非常宗教,對觀眾嚟講難免件事難免有啲「遠」。不過今集討論嘅問題「人口爆炸」就明顯同大家「近」好多。

 

 

電影沿襲小說嘅「丹布朗公式」:一開始先死一個「KEYMAN」(今次係所謂嘅「奸角」),之後就扭橋將奸角「洗白」,最後再扭橋令電影中的忠角變成「最後大佬」。令電影由建立懸念過渡到驚喜期間保持戲劇張力。

 

電影中營造教授腦海中的「地獄」時,境像非常震撼,特別係製作組用9000公升假血漿造出來的血海,令人諗返起當年睇『閃靈』時嗰種心寒。而近年荷里活電影鍾意帶主角環遊世界,『地獄解碼』主打藝術同歷史,自然都嚟景點巡禮。小編記得睇嘅時候,坐旁邊嗰位小姐就不停好興奮咁講:「我地去過呢度呀!」

 

今次的『地獄解碼』比起之前的『達文西密碼』同『天使與魔鬼』都要對大眾嘅口味,劇情相對緊湊。當然,『地獄解碼』唔會好似『MI』或者『叛碟』系列咁全場「打打殺殺炸炸炸」,總體來說還是不錯的。「偽推理仍在」,以湯漢斯為首嘅演員保持一貫高水準,重有靚景睇,真心推介今個星期就睇咗佢!

 

最後,各位諗住去睇戲嘅巴絲打,記住MARK實自己有咩信用卡喺手,唔係分分鐘走漏好多著數架! 如果對各大信用卡優惠有疑問嘅朋友,可以試試參考下列文章!

唔想學傑青連睇戲都要忍?戲院優惠幫你慳 傳送門

信用卡買飛睇戲優惠 (2016版) 傳送門