歎海鮮睇漩渦 淡路島之旅

 

講到大阪好多人都會去埋京都、奈良，但去得多都會悶嘛，其實大阪附近仲有個小島㗎，今次我嘅大阪之旅就去咗淡路島啦！淡路島係日本境內嘅一個小島，位於瀨戶內海的東部，介乎本州嘅神戶與四國之間，所以係交通上成為咗本州同四國之間嘅連接點。所以如果要去大阪、神戶或者四國旅行，都可以好方便去到淡路島㗎，不過淡路島話大唔大細唔細，都係自駕遊比較方便！

淡路島最出名就係洋蔥，好多餐廳都會用咗洋蔥做配菜，淡路島洋蔥係超級甜㗎！另外淡路島又稱“花之島”，喺淡路夢舞臺可以觀賞四季不同嘅花，又可以欣賞有500年歷史嘅傳統木偶戲“淡路木偶凈琉璃”。仲有好多有特色嘅溫泉可以浸添，但講到最出名當然係鳴門大橋下嘅漩渦啦！

去到淡路島嘅第一站就去咗 “新島水産 東浦店”，主要就係食燒海洋！
全部海鮮都超級新鮮，老闆娘仲話比我知佢哋係米芝蓮嘅推介嚟㗎，難怪食物質素咁高啦！
以下照片不適宜肚餓人士觀看！哈哈

▲新島水産嘅大門


▲依個"章魚釜飯" 超級鮮味，佢啲飯充滿章魚味真係好好食！佢將生嘅飯同章魚係個煲到焗熟佢，可以叫佢做日式煲仔飯㗎！


▲今次主角就依啲海產啦，有鮑魚、蜆、同唔同嘅貝類


▲店員會比我地燒，咁樣就唔驚自已燒得唔好食啦！


▲每食完一款先會再上下一款，唔怕食唔切凍咗好味啦！


 

▲佢地啲海產真係好新鮮，啖啖肉又汁超鮮甜！睇返啲相已經好想再去食啦！

【新島水産 東浦店】
地址：兵庫縣兵庫縣淡路市假屋63番地2
開放時間：日11：30～15:00 、夜17:30～21:00
預算：日￥3,000～￥3,999 、晚￥5,000～￥5,999 
網址 : http://www.awajisima.jp/

第二個目的地就係去睇世界最大嘅漩渦，鳴門漩渦係連接淡路島同四國大鳴門橋嘅腳下。係嗰度有世界三大潮流之一嘅激烈潮水同瀑布一般席捲而來嘅鳴門海峽。潮水最大時速可達10.6節（約20km/h），速度之快達世界第3位。來自於太平洋和瀨戶內海嘅洋流喺鳴門海峽相遇，彼此碰撞形成漩渦。喺海岸線同海底地形嘅影響下，據說漩渦直徑最大可達約30m，成為號稱全世界最大的漩渦。睇漩渦最直接最刺激嘅方式就係坐觀潮船直接去漩渦中心，親身感受漩渦嘅威力啦！

▲張海報影到個漩渦超壯！去個時我都超級期待，不過睇漩渦都好睇天氣㗎！


▲今次我哋就坐 "日本丸" 號

▲大漩渦就睇唔到啦！不過好有好多小漩渦，鳴門大橋近距離睇都幾震撼㗎！不過去得淡路島真係幾值得一去㗎！

【鳴門海峽海漩渦觀潮船】
地址：南淡路市福良港
乘船時間：上午9點30分－下午4點10分
船票：成人¥2000，小朋友¥1000
網址 : http://www.uzu-shio.com/

第三就係去近距離接觸海豚啦，其實本來就可以有親親海豚嘅環節嘅，但係因為當日工作人員唔夠，所以就無得同海豚玩遊戲啦，一般大家去的話都可以親親海豚㗎，只係我唔好彩炸！除咗有海豚之外，仲有釣魚同汽車露營添㗎！

▲淡路JYANOHIRE海豚農場


▲有個超可愛嘅牌可以比大家影相






 

▲嗰度啲海豚好活潑，好似好想同我哋一齊玩咁，同埋佢哋特別鐘意食嘢，哈哈

【淡路JYANOHIRE海豚農場】
地址：南淡路市阿萬鹽屋町字2660
網址: http://www.janohire.co.jp/

最後一個主要行程就係去睇“海螢”，即係大家講嘅海上螢火蟲，海螢係屬於甲殼類嘅動物，佢只有3mm左右咁大，係蝦和蟹嘅親戚嚟㗎，佢哋主要棲息係寧靜嘅海灣，受到刺激就會發出光，顏色係海藍色，所以被稱為從發光嘅“海の寶石”。

▲入去海螢觀賞會現場係超級黑


▲負責人話本身海螢火蟲係海上面睇，但因為(海螢)受刺激先會發光，所以佢地就驚我地好難用肉眼到，就移師咗係地下比我哋近距離睇啦！




▲仲放咗落水度比我睇下海螢係水入面嘅效果！其實真係幾靚嘅！


▲每年4月至9月都可以睇到海螢㗎

【海螢觀賞會】
洽詢: 淡路島觀光協會 或 淡路島各酒店
網址 : https://www.awajishima-kanko.jp/

今次嘅大阪之旅完滿結束啦，行程都超豐富！大家可以睇返我其它嘅大阪Blog環球影城限定、環球影城門票快証攻略 、大阪最高百貨公司。希望大家鐘意大阪嘅分享啦！有機會再帶大家去唔同嘅地方玩啦！