樓市辣招撤唔撤?
樓市辣招撤唔撤?
相關信用卡:

樓市辣招撤唔撤?

發表日期: 2016 年 02 月 29 日 更新日期: 2016 年 02 月 29 日 生活
作者:高俊權 (高sir)

<高sir隨筆>: 十大屋苑在二月份只有73宗成交, 為近年低位水平, 2月份為傳統樓市在春節後必會出現的小陽春年份, 過往數年, 樓市交投熾熱, 新盤一出閒閒地超10倍入票, 賣樓不需半日便賣出當日銷售所有的單位, 這些新聞在前幾年屬等閒事, 但隨著樓市終於出現下行, 房產泡沫爆破後, 今年2月份二手屋苑交投變得十分冷清, 可幸一手銷情反而頂得住, 元朗新地盤映御賣八成加推, 維持低水平售價的一手盤, 始終較容易被市場接受, 青年也較容易上車.
 


這是一個令人較擔心的現象, 反映發展商要係呢段時間賣樓, 降低售價係唯一選擇, 什麼早供優惠著數, 印花稅回贈都冇太大作用, 市場只係盲目第一時間睇賣幾錢而定論為吸引或否, 這對發展商無礙溝成一定開價壓力, 一手售價不能扯太高, 直接命中二手市場的心脈, 也形成了一個斷層, 新樓上車盤比兩成首期上到車, 總好過係二手市場比得少首期, 唔知銀行估唔估到價, 又唔知批唔批足按揭果
下頭痛, 間接形成大幅減價效應, 二手市場想賣到樓, 唔大幅被買家劈價幾近賣唔出.

今天二手業主係回到現實, 大家鬥實力之時, 如果後盾有穩定現金流, 或資本雄厚業主, 當然唔會貿然把優質盤賤價賣出, 但過往數年, 由於美國QE放水, 股市泡沫升上28000點後, 人工和資產急速澎漲, 樓市過度上升未能監控, 令資產泡沬出現, 這一批2012-2015年入市的持貨買家, 是樓市最後上升的接火棒者, 自住樓出現貶值可以閉上眼睛, 比個借口自己反正都係要住, 住番十年八年先計計數, 這
個理由成立的, 除非你急需用錢周轉, 否則沒有太大問題, 唯最令人擔心是以房產作投資炒賣, 過度借貸卻遇正樓市冷風, 資產價格向下背後所承受的壓力, 絕對不比股災輕.

回說政府「辣招」, 究竟是否應該撤或減辣, 近日為市場討論焦點, 政府說現時「零」條件減辣, 因為未能確定樓市正在下行, 給人感覺偏離市況, 但其實政府已陷入兩難之局, 現市況如減辣, 相信有助二手交投回升, 令市場回復正常秩序, 但問題係在經濟下行周期, 叫價力根本不能因減招而提升, 今天的買家已不可能在市場上不問價搶樓, 故就算「減辣」, 只有價跌量增, 加速房價下滑可能, 造成人踏人之局, 這對政府來說, 是不可能希望見到的景象.

唯一解局, 看來是降低首置按揭的貸款要求, 為青年人或首置買房的朋友提供真正上車的機會, 「辣招」續以控制炒賣風險, 如此, 刻不容緩!