東亞JCB簽$200回$50

近排好多卡都做緊勁獎分或者回贈，好似建行 (亞洲) 個939分獎賞、中銀個夏日簽賬獎賞，睇落獎賞都幾正，不過門欖高啲，要幾千或一萬先食到。仲有啲去超市簽卡都要簽過$500先有回贈，有時唔係儲埋啲嘢一次過買到Meet唔到個Target。

有冇啲易啲過關㗎？是有的，由而家起至9月21日，用東亞 JCB白金卡用指定購物、餐飲、旅遊商戶單一簽賬滿$200或以上，就有$50現金回贈 (詳情)，優惠期內最多回3次，即係$150。佢啲指定商戶並唔係「噏耷」或者冇人識嘅舖頭，而係Sogo、city'super、LOG-ON、UNIQLO、百佳、惠康、和民、牛角、國泰、港龍、ANA呢類，仲要包埋網上購物！既然可以小額完成，超市買嘢或食飯好易搞掂，旅遊大額消費就留返俾啲高門欖獎賞啦。