本地消費 食$500簽賬獎賞

碌卡簽賬，可以賺積分同里數，但我個人比較鍾意現金回贈或者簽賬獎賞，當然，三者兼得就最好，但世事又點會咁完美呢。唯有自己鑽研下咩時候咩情況下用邊張卡會賺到啲乜，同埋點樣賺得多啲。

最近又有機會賺簽賬獎賞，中銀做緊夏日簽賬獎賞，本地消費一張單$500以上，累積簽滿$10,000就有$400，累積簽滿$20,000，再獎多$100，每人最多食$500，另外仲有某啲商戶有折，好似香港洲際酒店、蘇寧、商務印書館、Walker Shop、Acupuncture等等。而呢個Promotion做到8月31號，出去食多幾餐飯，幫朋友出部手機，我諗我都勉強食到$400嘅，至於另外嗰$100，我自己就無能為力喇，除非再幫人碌啦。登記期去到9月2號，當然係愈早登記愈好。