望海景嘆大餐!聖誕食一浩Kazuhiro

望海景嘆大餐!聖誕食一浩Kazuhiro

相關信用卡:

望海景嘆大餐!聖誕食一浩Kazuhiro

發表日期: 2016 年 12 月 22 日 更新日期: 2016 年 12 月 22 日 飲食

作者:emily man

雖然明知聖誕節已經越嚟越商業化,好多餐廳都大開殺戒吊高黎買,唔想比人劏但又想搵間環境好、食物正、價錢又合理嘅餐廳?今次真心有好推介!於黃金海岸新開張嘅日本餐廳「一浩KAZUHIRO」,就可以同時滿足視覺和味覺享受。餐廳設有室外和室內座位,都可以享受景色怡人嘅無敵大海景,感覺非常chillax。而且環境寬敞,座位亦有適當空間感,唔怕節日期間同不相識的人炒埋一碟。唔止地方大樓底高,更設有開放式壽司吧、獨立鐵板燒和酒吧枱,可以欣賞師傅即燒即製食物的過程。另外仲設有VIP房,可以包場開P或舉行Annual dinner!除咗非常適合同另一半嚟,其實亦好啱約埋成班fd嚟吹水飲嘢!

聖誕節分別有2款唔同嘅set提供,即刻開餐!

set A 和 set B分別是每位$580和$680,兩set前菜都有超級新鮮的刺身!每一款都鮮甜肥美,食完仲想再食!

烏冬爽口彈牙,而且份量頗大,配埋湯&蔥又香又好味

頂級法國鵝肝煎得剛剛好,證明師傅控制火候功夫了得;表面薄薄一層金黃香脆,咬落香甜又唔腥!而且香滑柔軟兼入口即溶,鍾意食鵝肝的一定忍唔住想再encore!

呢到嘅西班牙黑毛豬係食橡果大的,所以特別乾淨無寄生蟲,先可以好似牛肉咁煮至半成熟,鎖住肉汁,配黑醋汁和紅酒一流!

輪到美國厚燒牛柳,睇相都睇到的確每片都好厚,而且嫩滑多汁,咬落好有口感,層次非常豐富。

呢個雞泡魚乾天婦羅更加係不得了,小編本來一直對天婦羅沒什好感,因為很怕厚厚一層粉的感覺。但呢碟雞泡魚乾天婦羅炸粉好薄,咬落完全唔會覺得「好粉」,只會食到脆脆地,完全唔會蓋過雞泡魚乾的風頭!非常推介~

呢個燒牛舌係小編心目中第一!咬落超級軟,棉花糖咁入口即溶,完全唔會韌,而且好juicy!小編敢用自己舌頭保證,叫咗一定唔會後悔~

清酒蜆湯話就話有清酒,但經過高溫煮食後其實已經沒有酒精成分,有的只有清酒味和蜆的鮮甜味道,湯亦煮得非常清澈。

雖然話每位嘅價錢唔係非常之平,但以食物的質與量和環境來說,性價比都算高。更重要的是!只要登記成為Hongkongcard會員,提前打去預訂book位,食聖誕套餐set就有85折優惠!記住當日入座前要出示番hongkongcard會員界面呀~咁樣相對嚟講就會抵好多!話晒聖誕節,當然要食好啲好好慰勞吓自己吧~

如果想知點做會員,click呢條link:
https://www.hongkongcard.com/blogs/1818