有信貸提示，監察財務狀況好Easy

「冇可能啦，我住果度保安好好架，所有陌生訪客出入都要登記，點會畀人偷信呀？放心，放心啦。」以上係早前友人睇到「偷信碌卡集團被搗破」新聞後的即時反應。

至於小妹我，第一時間聯想到環聯既信貸提示服務。呢個信貸提示，當信貸報告上出現信貸申請查詢或其他重要資料變更時，會收到電郵同短訊通知。事後孔明咁講，如果當事人有申請這項服務，就可以即時察覺信用卡被盜用了。

小妹：「你以為唔係住唐樓就唔出事？你都係想安心啫，不如申請番個環聯既信貸提示啦？」

友人：「吓？」

小妹：「冇，我叫你試下用環聯既信貸提示呀！其實當自己多一重保障姐，唔係到時畀人盜用左你既個人資料去借錢同出卡就麻煩架！」

友人：「信貸提示點幫到我？」

小妹：「你出卡或者借錢，銀行或財務機構向環聯提出信貸記錄查詢果陣；又或者當信貸報告上有帳戶開設、地址或電話號碼等重要資料變更，環聯就會以電郵同短訊通知你！萬一唔好彩申請人唔係你本人，咁你咪可以察覺到有可疑既活動正未經你受權下正用緊你既個人資料囉！」

友人：「咁如果係我本人呢？」

小妹：「……係你本人都一樣收到通知架，不過你唔使去報警咁解囉！」

有咁樣的朋友……真係，唉……點都好，小妹認真奉勸大家要居安思危，未雨綢繆呀！