最紅得最紅 獅子又送嘢

最紅得最紅 獅子又送嘢

相關信用卡:

最紅得最紅 獅子又送嘢

發表日期: 2015 年 06 月 02 日 更新日期: 2015 年 06 月 02 日 生活

作者:無定向

匯豐信用卡一向都係非常少做迎新優惠,差唔多一年先得幾個月有迎新。不過最近唔知做咩,係上個月個馬拉松/ Beats 耳機迎新禮物做完後。幾個星期後又推出一個全新優惠。

迎新禮品
今次個迎新分別送agnes b Cafe/ LE Pain Grille coupon,或者「獎賞錢」,又或者加錢換智能電飯煲。

首先講下智能電飯煲,如果喺60日內簽夠$6,000,就可以用$1,416(全新客人)或者$1,536(現有客人)換走個價值$5,980既智能電飯煲,依個電飯煲高科技到可以選擇成16種個人化米飯口感,想要幾軟幾硬都由你話事,而且部機仲識得講廣東話,煮好飯就會提你。


如果你哋係無飯家庭,可以換agnes b CAFE LPG 嘅coupon, 60日內簽夠$6,000就可以換$600 voucher (全新客人)或者$500 voucher(現有客人). 要提提呢個唔係agnes b既voucher, 只係可以用係agnes b 嘅餐飲店鋪,諗返起又一城佢哋嘅洋蔥湯,真係超好飲!

如果係里數一族,就更加唔可以錯過。全新客人只要60日內簽夠$10,000就可以有$800「獎賞錢」,或者簽$6,000有$400「獎賞錢」。如果係現有客人,簽夠$6,000都仲有$300「獎賞錢」。用$800「獎賞錢」計,已經有12,000里做迎新啦。不過換miles就要比成$300換,建議儲多啲先一次過換晒佢。

點先賺到盡?
匯豐個6X同11X最紅賞都係去到年尾。玩法係有時個最紅獎賞類別,要打電話或者上網登記其中一個,登記咗係「冇得改」,所以小心啲選擇。以後如果你簽中有關類別都會有6X「獎賞錢」,係星期五簽中更加會一共有成11X「獎賞錢」。所以真係要按各位消費習慣選擇最紅獎賞類別。

邊6個類別?
因為有時豐匯會增加唔同商店名單,建議大家可以去返官網留意

到底有幾紅?
講到有成11X「獎賞錢」咁多,咁到底我真係買嘢有幾多回贈先?
依家就等我計比你地啦。


當你地將比晒5X「獎賞錢」係「賞滋味」,咁你係星期五去餐廳簽$2,300計,首先就會有$9「獎賞錢」係基本嘅,另外因為比晒5X「獎賞錢」係「賞滋味」,就會有多$46「獎賞錢」,最後因為「最紅星期五」關係,會有雙倍額外獎賞錢,即係又有多$46「獎賞錢」。最後今餐一共賺咗$101「獎賞錢」,但假如最初登記冇選擇賞滋味,就只會有$9「賞滋味」,或者就算比晒5X「獎賞錢」係「賞滋味」,但唔係星期五嘅簽賬,就冇咗嗰額外$46「獎賞錢」,只係得返$55「獎賞錢」。所以強烈建議要選擇自己消費最多嘅類別,而且仲要可以等到係星期五先簽卡嘅消費情況,因為星期五個11X同平日既6X都已經相差好多了。