曾經的聯營卡
更新日期: 2013 年 09 月 12 日
思捷全年勁蝕44億……琴日Esprit蝕錢條新聞喺互動新聞台無限loop左好多次，令我不期然諗起朋友好耐之前申請左張渣打Esprit卡，唔知間Esprit會唔會過兩日就執晒，佢張卡從此變成歷史遺跡呢？
呢位朋友唔係Esprit粉絲，只係有次去開東涌Outlet行街，偶爾喺東涌Esprit店買左件衫，就順便申請張渣打Esprit聯營卡嚟待用喇。後嚟先發現原來真係冇咩幾可有機會用，其一係朋友住既地區冇分店，其二係佢都係心多之人，有時見其他商戶打緊折就會入去望，唔會為左9折專乘入東涌或者特意上網搵分店地址。
Esprit分店真係好難搵呀…
講開同大型時裝品牌聯乘，不得不提的當然還有Citibank I.T.卡。那些年，讀大學的同學都抵受唔住出卡迎新禮品加Pre-Sale有額外折扣的誘惑，拿著學生證當身份證明文件就出卡(Citibank I.T. Student VISA)。Lady C.我雖然都同意隨卡而來的禮遇吸引，但還是更喜歡三不五時四處逛特色小店，所以當時沒有多想就下決定不申請，想著要是真有東西要買就找朋友代碌，出外靠朋友嘛！
話雖如此，Lady C.我不申請以上聯營卡，並不代表同意聯營卡沒有存在價值。比方說AEON和民卡、恒生Muji卡、富邦一田卡，Lady C.就頗有興趣。原因無他，以上商戶我的確會經常光顧，想像著以後每年生日都收到Muji Birthday Coupon、每次一田有震撼優惠日可額外再享折扣、跟朋友出外吃飯還有機會抽機票和戲票……Wow！點解我都成日去既759阿信屋唔出聯營卡呀？？？
759阿信屋就同7仔一樣…總有一間喺附近
再諗深一層， 如果聯營卡唔受歡迎，想當然比較近期推出市面的中銀Good Day Visa卡應該在規劃階段就胎死腹中，不會挾著送華潤萬家禮券、Pacific Coffee咖啡券等迎新優惠而來。Lady C.覺得聯營卡的未來發展，完全視乎各大銀行選擇與甚麼商戶合作。市面上有十幾廿間分店的大型商戶，與寂寂無名的專門店，殘酷點說，連比都沒有必要。亦因此，Lady C.相信像大新「我至愛商戶」這類可以自選5間本地回贈商戶的信用卡在將來會更有潛力，畢竟申請一張卡就可以去5間本地自己鐘意既商戶搵着數，我想必定會比申請幾張聯營卡方便吧？