旺角全新小食 . 超大蟹黃湯包

旺角廣華街又有新小食店啦，就係依間 <尚香湯包>啦！佢地嘅主打「蟹黃湯包」呢，之前係美食節超受歡迎，依個蟹黃湯包仲被立為非物質文化遺產添呀，除咗非物質文化遺產之外，係中國嘅舌尖上的中國電視節目都有介紹過！所以依個湯包認真唔少嘢㗎！今次就等我親身去旺角試下依間最新嘅尚香湯包啦！

▲依間就係旺角最新嘅小食店啦，老闆話佢地賣嘅蟹黃湯包之前係美食展好受歡迎又上過<舌尖上的中國>，所以就帶咗依個美食嚟香港啦！

「蟹黃湯包」
價錢 HKD$45
個人評分 ★★★★☆ (5星滿分)

▲依個就係<蟹黃湯包>，份量有手掌咁大個㗎！而店鋪會比埋一支用竹做嘅飲管我地嚟飲湯，老闆話因為膠嘅飲管會好熱，所以用咗竹做嘅飲管可以減輕熱度又唔會有陣膠味啦！好細心呀！

▲蟹黃湯包啲湯真係多到滿瀉，而入面嘅蟹黃同蟹肉都非常足料，好鮮味㗎！