日圓幾軟, 股市幾時彈!

<高sir隨筆>: 猴年第一筆, 祝大家多賺!

睇番猴年市況唔多好景, 股市係呢輪大跌之餘, 日圓兌港元匯價又去番7算, 呢一個7算慘了, 原本打算去日本的朋友, 即刻牙痛咁既聲, 話要用多d錢去唱錢, 有d仲驚唔切, 話要係未破7算之前就好唱, 早唱早享受, 遲唱多幾舊喎!

如果針對唱日圓, 其目的只係去旅遊之類, 其實又唔駛咁灰, 因為最多只係用多幾百, 大不了幾千元就可解決了這一浪升幅, 你買少一件衫或者買少兩件手信已經可以解決! 講番, 日本央行早前先出招負利率, 但日圓跌左少少後, 就調頭轉強, 更一度高見兌美元110以上, 即兌港元0.7以上, 股市因日圓強勢而大幅回落, 筆者上月頭係呢個專欄寫日本yen果篇, 仲記得當時恒指係20000點左右水平上落
, 今天羊去猴來, 股市復市兩日已低見18300點水平.

日圓的走勢, 對股市走勢可謂有莫大關鏈, 本來日央行行負利率, 的確可以令日圓長線貶值, 簡單一點來講, 長線低貶的日圓, 無論從去日本旅行, 購買當地日本房產, 以及直接購買日圓等投資都具有一定吸引力~ 唯日央在推負利率後, 日圓進一步貶值以刺激日本本土經濟的如意算盤敲不響, 日圓更因為美國杜指的急挫, 引發資金搶美金, 日圓以避險而搶高, 這麼一來, 令身為美國盟友的日本處境陥入尷尬位, 唯筆者相信, 日央行絕對不能接受, 已長久貶值的日圓回復強勢, 以破壞日本刺激經濟的方針, 相信日央會扭盡六壬, 以擴濶負利率的空間等所有措施, 以令日圓急速回落至兌115美元以上水平.

情況和年初人民幣急速貶值的情況帶點相似, 如此這般情形, 猴年初股市的後市會怎樣?

在估計日央行會干預匯市下, 相信有望令日圓回穩, 而美股亦累積了一定跌幅, 相信後市反彈之勢出現機會大, 如果日圓能夠急速回軟至兌118美元以上, 將直接刺激股市上升的特效藥, 而假設真的如此, 單以日圓及時回軟, 恒指該可回升至19600點左右, 且看!