提早為聖誕預熱!! 聖誕打卡靚景巡禮!!

提早為聖誕預熱!! 聖誕打卡靚景巡禮!!

相關信用卡:

提早為聖誕預熱!! 聖誕打卡靚景巡禮!!

發表日期: 2016 年 11 月 18 日 更新日期: 2016 年 11 月 18 日 生活

作者:Arthur

「又到聖誕、又到聖誕♪」,重有一個月左右就到聖誕節! 喺聖誕商戰愈來愈早嘅年頭,有好多商場同樂園都提早慶節! 就由小編同大家為聖誕預熱,送上今個禮拜就去得成嘅「聖誕場」!

NO.1:
各式糖果由屏幕走出現實! 荃新天地喪玩Candy Crush街機!

一進入荃新天地一期,立刻就見到非常搶眼嘅大聖誕樹,喺CandyCrush入面出 現過嘅經典糖果都可以在樹上搵到。加上樹下嘅巨型糖咕臣同糖果池,真係因住打卡打到爆機。而二期方面當然就係今年活動嘅重點﹕全港首次登場嘅Candy Crush街機,人咁大嘅Candy Crush玩起上嚟會唔會難玩咗﹖

Citywalk x Candy Crush 聖誕糖果嘉年華」

舉辦日期:11月19日至2017 年1月2日
開放時間:10:00am – 10:00pm

舉辦地點:荃新天地一期、二期
遊戲裝置開放時間:

11月19日至12月4日﹕逢星期六及日1:00pm – 9:00pm

12月10日至1月2日:每日1:00pm – 9:00pm

參加方法:顧客以電子貨幣於荃新天地即日單一消費滿HK$200,即可換領遊戲券一張,參加其中一個遊戲一次。(遊戲券數量有限,先到先得,換完即止;每套單據最多可換領三張)
額外獎賞: 顧客另可索取Candy Crush SWEET PASSPORT!每完成一個遊戲,工作人員將於PASSPORT 蓋印一個;集齊指定遊戲蓋印,即有機會獲得Candy Crush精美限量紀念品!(每日數量有限,送完即止。)

NO.2
DC一眾英雄陪你開心過聖誕!!

DC漫畫嘅一眾硬派英雄,本來同豆腐親子(TOFU OYAKO)本來就應該大纜都扯唔埋嘅,不過新港城中心嘅「DC Comics x To-Fu Oyako玩轉「超萌」聖誕活動」又真係好似真係WORK喎。

包括超人、蝙蝠俠、神奇女俠、閃電俠、綠燈俠及水行俠比等「DC漫畫正義聯盟」跟豆腐親子將會現身於彌敦道、尖沙咀鐘樓、文化中心、青馬大橋,維多利亞港等大型立體裝置場景。現場亦會有幾多野玩,例如喺神奇女俠懸浮拍攝區,就可以即場作即影即有嘅懸浮拍攝(須消費滿HK$250)!

而家只要讚好新港城中心Facebook專頁同完成網上「DC漫畫正義聯盟‧智破迷城」遊戲,於指定日期憑QR Code到新港城中心換領遊戲通行證,就可以免費參加「VR超時空對決」、「能量戒指遊戲區」及「閃電神撃手遊戲區」其中兩項遊戲。

DC漫畫 Justice League x To-Fu Oyako
舉辦日期:由即日起2017年1月2日

開放時間:10:00am至10:00pm
舉辦地點:馬鞍山新港城中心

NO.3
Fashion WalkX白根昌和大玩裝置藝術

銅鑼灣Fashion Walk今年將會同國際著名鬼才空間藝術家白根昌和合作,將Fashion Walk室內商場變成一個藝術空間。

由即日到2017年1月2日,由白根昌和設計,高逾4米嘅閃爍摺疊聖誕樹裝置Imaginative Christmas Tree,將會同百德新街嘅9棵以重疊藝術堆砌而成嘅聖誕樹,合演出今年聖誕活動嘅主題「Imaginative Christmas Tree」

Imaginative Christmas Tree係由270片三角形不鏽鋼反光物料製作而成,唔駛搵野撐住已經可以自行直立,聖誕樹內最新360°攝影科技,參觀者可以將360°攝影嘅照片製成獨一無二嘅聖誕賀卡,上載社交平台同人分享。

Fashion Walk  Joy of Lights閃爍摺疊聖誕樹-

展出日期﹕即日至 2017年1月2日
開放時間﹕10:00am至11:00
pm
展出地點﹕Fashion Walk室內商場、百德新街及食街

NO.4
『狐狸先生無得頂』登陸圓方!
香港首次展示動畫拍攝模型及電影手稿!

改編自童話大師Roald Dahl作品嘅動畫『狐狸先生無得頂』,以「Feeling Fantastic This Christmas」為今年聖誕主題嘅ELEMENTS圓方,就搵嚟咗二十世紀福斯合作,由英國人偶製作大師Ian Mackinnon重現『狐狸先生無得頂』場景,營造夢幻聖誕之餘,又幫Roald慶祝誕生一百週年。

Ian Mackinnon團隊啲作品真係堅到冇朋友! 添布頓嘅『怪誕屍新娘』,到呢套奧斯卡提名作『狐狸先生無得頂』都係佢地作品。Ian Mackinnon團隊今次總共製作了五個不同大小嘅Mr. Fox,由爬上屋頂到和田野景都有,甚至連遠近差都有做出來,最適合一家大小一齊打卡影相!

ELEMENTS圓方「Feeling Fantastic This Christmas」

舉行日期:由即日至2017年1月2日

開放時間:10:30am至11:00pm.
舉行地點:ELEMENTS圓方金區1樓

NO.5
1米高LEGO冰雪女王

喺朗豪坊等你嚟!!

今個聖誕,朗豪坊4樓通天廣場,LEGO! 全部都係LEGO!! 今次朗豪坊嘅聖誕聖誕展覽,會有由逾100萬粒LEGO,其中更有20倍放大版嘅零件,構成嘅大型場景! 淨係首次出現嘅10米高坊堡已經夠晒霸氣!! 而1米高嘅LEGO冰雪女王更加係打卡必備。

而LEGO聖誕老人更會由11月19日至12月4日期間嘅星期六、日,下午1至5點同大家見面!

朗豪坊 LEGO白色聖誕
舉辦日期: 即日起至2017年1月2日
開放時間: 11:00am至晚11:00pm(12月17日至24日及31日延長至01:00am)
舉辦:朗豪坊4樓通天廣場