拜完年能去的地方很少? 速攻農曆新年好去處!

 

各位網友好！ 講下一個禮拜，講下又一個禮拜，終於今日已經係年三十晚！ 大家係咪最後衝刺入緊利是呢！ 相信跟住幾日四圍去拜年都應該仲忙過返工啦，不過如果…萬一拜完年唔知去邊好，不妨入嚟睇下幫唔幫到你？

 

 

花車係每年必去節目！
 

 

同農曆年煙花一樣，花車巡遊都係好多香港人好鐘意去嘅活動。今年花車巡遊主題係「開年、開運、開心」，今年一共有10架花車同26隊表演隊伍參與表演。而表演將於晚上8點開始，由香港文化中心廣場出發，經廣東道、海防道、彌敦道，最後以香港喜來登酒店為終點，途中仲會有舞龍舞獅、魔術同敲擊樂等表演。

如果早到咗點算？ 唔使驚！ 因為作為熱身現場將會有流行音樂同舞蹈表演，另外亦會向觀眾大派褔袋！

 

2017國泰航空新春國際匯演之夜
舉辦日期：2017年1月28日（年初一）
開放時間：20:00至21:45
        - 持觀眾席入場券觀眾可於19:00就坐。
        - 巡遊路線一帶將於下午18:00起舉行熱身派對。

巡遊路線：九龍尖沙咀
        - 巡遊隊伍由香港文化中心廣場出發（只限持入場券觀眾進場）。
        - 沿廣東道、海防道、彌敦道及梳士巴利道前行，以香港喜來登酒店外為終點。

觀賞地點：觀眾席門票已售罄，但遊客仍可喺巡遊路線兩旁免費欣賞。

 

去林村許願節掟寶牒祈福！
 

每逢新年，香港人最鐘意就係四出許願祈福，有人上頭注香、有人去求籤、有人去借庫，總之就各適其適。而大埔林村許願廣場今年就繼續有得掟寶牒。

不過除咗掟寶牒，今年將會再搞搞新意思，就係砌‧花‧牌！ 港式花牌工作室今年就會同主辦單位合作，首次舉辦迷你港式花牌繪製大賽，冠軍獎金有1000港元。想輕鬆製作花牌嘅朋友，就可以買個DIY包(100港元)，入面有齊製作花牌嘅簡單材料(花牌、竹棚、布景板等)同說明書，實行自己造一個出嚟。

 

2017香港許願節

舉辦日期：1月28至2月12日

開放時間：09:00至18:00

地點：大埔林村許願廣場

 

香港都有得玩冰玩雪!?

各位朋友仲記唔記得記元朗大棠早幾年曾經搞過「香港哈爾濱冬日嘉年華」？ 事隔兩年，而家元朗又有冰玩！

由冰雪館嘅冰雕到冰屋，由幾層樓高嘅超級紐約滑梯同極速滑梯到貼地嘅小型賽車城同冬日水晶球，甚至連溜冰場、體驗神奇北極光都有。要玩嘅嘢實在太多!! 而市集內亦設有啤酒園、美食攤位同露天市場等。

 

 

元朗大棠冬季樂園

舉辦日期：即日 ‑ 2月28日
開放時間：10:00至18:00(平日)、09:00-10:00(星期六、日及公眾假期、1月29-31日) 1月28日休息、
舉辦地點：元朗大棠

票價︰普通門票$90(包括樂園入場、冰雪館入場及大棠有機生態園入場，適用於所有樂園開放日子)、1月29-31日任何人士，登入Facebook「冬季樂園」及分享佢地Facebook(傳送門)入面免費入場優惠嘅帖，即可享有「冬季樂園」農曆新年免費入場優惠。而優惠期內，入場人士免費進場後可增值享用園內指定設施。
1）增值港幣$70 - 參觀冰雪館一次及免費入場參觀大棠有機生態園
2）增值港幣$160 - 參觀冰雪館一次、任玩「冬季樂園」園內其他指定設施一次（遊戲攤位除外）及免費入場參觀大棠有機生態園一次，免費入場優惠只限2017年1月29至31日使用，不可與其他優惠同時使用)

 

春節專題綵燈提早賀中國情人節

農曆新年一過，元宵同情人節就幾乎已經「殺到埋身」！ 今年不妨提早慶祝晒兩個情人節如何？

 

於尖沙嘴文化中心鐘樓外舉行嘅春節綵燈展，今年就以「桃花池畔鳳求凰」為主題，為遊客送上由LED燈及桃花裝飾等組成嘅綵燈，希望能夠給人一種比較新穎嘅感覺。

春節專題綵燈展2017 桃花池畔鳳求凰
舉辦日期：即日至2017年2月19日
開放時間：18:00至23:00
舉辦地點：香港文化中心露天廣場

 

FACEBOOK標題字樣:"我的朋友很少"LOGO生成器