拎一折職員機票真係咁筍??
拎一折職員機票真係咁筍??
相關信用卡:

拎一折職員機票真係咁筍??

發表日期: 2015 年 02 月 10 日 更新日期: 2015 年 02 月 10 日 生活
作者:合皮

好耐冇見大家啦......
臨近新年,大家外遊的時侯有冇想過一下做一做航空公司的職員,拎一折機票想去哪裡就去哪裡 ??
好啦,小弟在此告訢大家,千萬不要有過份的幻想 !! 


一折機票聽落很吸引,不過其實入面有很多不為知的辛酸史 >.< 

1. 我們只不過正價一折機票咋!!可能大家就會覺得『嘩 ! 好正呀, 即係去台灣出面買1400 左右 , 折完咪即係140 ?? 好筍呀 !』 , Sorry , 根本大錯特錯, 人哋講一折,係按正價無折扣的機票 ( Full Fare Y class) 的價錢,來回要4000 左右呀 。可能你又會話我吹水啦,都無見過來回台灣經濟倉要4000 左右。明白,你未見過不代表不存在,但是你有冇買過全年有效,任改日子,任改時間兼可以退票的機票咪呢 ???? 這種高度有彈性的機票就是正價機票,外面1400 左右的機票是有折扣的機票,是有不同種類的限制的!

2.稅項冇得減  !! 好啦,大家都覺得400 蚊去台灣就唔錯啦 ! 但係你又要記得,我們的折扣只係限於機票本身,不包括稅項,又以倫敦機場稅做例子啦,倫敦稅約千多元港幣,我們一毫子都冇得減的 !!

3.Standby (侯補機位) . 依個堅係最大鑊 !! 一折機票就是職員候補機票,侯補的意思就是當所有付費的乘客都能夠上機後而且還有多餘的機位騰出後,職員才能取得登機證 。出發前,我們多數就會看loading (訂位狀況),但loading 非常波動,有時候就好像股市大起大落,我們除了緊張之外,根本沒有其他辦法。如果搭凌晨航班,但最後一刻航班爆滿,沒有空位,只好滯留機場。那一刻只有機場是我家的慼覺,想返家又沒有巴士了........但香港出發的航班也不算最重要,最重要是回港航班!!滯留外地,第二日又要返工都唔知點算,有一次試過在大阪沒有機位回港,臨時改行程,改成大阪/台北/香港....才能回家。 
就算在櫃位取得登機証也不要太開心。因為世界上是有Late Show 的乘客,萬一最後一刻有late show 的乘客出現了。該位拿了登機證的同事最後便有機會在登機閘口的一刻告知你沒有機位,被offload 了..............所以請大家搭飛機一定要準時呀,因為你遲到,除了影響你的行李能否準時到達目的地,也會影響其他乘客,牽一髮動全身。
當然啦,在近農曆新年的旺季外遊想去日本,韓國等熱門地區,職員上機的機會率基本上是零。

4.我們都是二等乘客的身份。即使很幸運有機位上了飛機,但我們都是二等乘客的身份,如果有其他乘客的座位的電視有問題,坐位有問題,有乘客訂了特別餐又突然不想吃。空服員便會第一時間問你『陳先生,唔好意思,你是否職員乘客? 59A 乘客個位的電視機有問題,你可否方便轉位? 』, 當然,你可以選擇不轉位,但是難以保證會否收到公司電話或email 問你為何不配合公司同事工作............ ................


總括來說,一折機票真的不要羨慕....當然啦,以上的辛酸史一切以本地龍頭航空公司為標準 !