技術性破產究竟使唔使破產?

技術性破產究竟使唔使破產?

相關信用卡:

技術性破產究竟使唔使破產?

發表日期: 2015 年 06 月 03 日 更新日期: 2015 年 06 月 03 日 生活

作者:任以風

早兩日馬來西亞航空新任首席執行長話公司已經「技術性破產」。經過幾次金融市場崩潰,香港人對於破產好熟悉,但係咩叫「技術性破產」呢?同破產又有何分別?



技術性破產是指公司或個人財務狀況已經到了嚴重資不抵債的地步。距離破產只欠一步。如果債權人或法定當局向司法機構申請,法庭基本上可以頒令破產(當然該公司或個人可以自行申請破產)。

馬航衰到近乎貼地,舊年年尾更加喺吉隆坡股市除牌,但筆者幾肯定佢中短期都唔會執笠。原因是其國航身份,馬航母公司是馬來西亞國庫控股,由政府持有,國航或有國航背景的航空公司通常都會得到額外關照,例如日航JAL由國營轉為民營,但2010年做唔掂申請破產保護後獲國有的企業再生支援機構(ETIC),成為持股96.5%的大股東,經兩年撥亂反正之後將日航上市。

除咗公司,現存世界上最受關注嘅技術性破產個案叫做希臘,歐盟由2010年開始提供的援助基本上是另類破產保護,到而家5年,經濟一啲起色都無,仲拎緊綜援,未來三個月要還170億歐元,錢從何來?問債權人(主要是歐盟)再借,借唔成就破產,一鑊熟。



有時唔係有錢人惡,窮人可以仲惡,「技術性破產」?So What?