戰勝心魔

今日轉一轉話題，講下身邊一個朋友的故事。

友人甲抄股票，一向都有一套心法，規則。這套理論，經過幾年實戰，都可以証明賺到大錢。特別是大牛市的時候，可以每日賺幾萬到幾十萬。但後來越玩越大，原來每日可以承受幾萬元上落，變成每日上落幾十萬。銀碼大了，所承受的壓力也大了，贏錢無問題，輸錢就出事了。一輸錢，之後就不能100%執行之前定下的規則來抄股票，亦因為不能百分百跟足心法，結果輸錢的次數，日子亦多了好多。朋友事後反省，知道不是心法出了問題，而是過不了自己的心魔，因為承受不起大上落，結果心理壓力過大輸錢，仲輸埋信心，甚至懷疑一向的理論，規則出了問題。

友人乙用信用卡，他本身收入不錯，一向都好精打細算，用卡的時候亦都算盡優惠先用，但都一身卡數。點解？因為好多優惠都要於指定時間內，完成某個數的簽賬額。本來一萬幾千沒有問題，但幾張卡加埋幾萬幾千，就大問題了。

以上兩個例子睇到，不是抄股或者碌卡有問題，而是友人都不能夠成功控制心魔。

希望大家可以戰勝心魔，先可以好好理財。