我輕輕的嚐一口~妳說的Mochi！Igloo Dessert Bar

來自意大利的Gelato好似一直都比Ice-cream受歡迎，而且好多女仔減肥都只願食Gelato唔食Ice-cream，其實有分別咩？

原來Gelato，真是低脂女士恩物。皆因Gelato乳脂肪含量多數不會超過8%，配方自然比雪糕低乳脂而且更天然，為了札實幼滑的口感，亦不會像雪糕般打入許多空氣，而且很多工序都要人手製作，是富豪雪糕車絕對做不到的，自然更加矜貴，成為許多港人食甜品首選。之但係，在香港食Gelato早已唔係咩新鮮事，如果將佢包裝成Gelato雪米糍，你又點睇？

位於中環碼頭的雪糕店Igloo Dessert Bar，每款Gelato都由老闆娘親自製作，而且通常都係較為特別而且出面難食到的限定口味，例如港式奶茶，阿華田、白兔糖等，甚有本土情懷，更喚起了不少人的童年回憶！而最近老闆娘又發揮創意小宇宙，將Gelato整成即叫即包的Mochi，以新鮮糯米皮包住Gelato，煙韌鬥煙韌，非常過癮。

首先是最養顏最甜的蜂蜜口味，由外到內都軟綿綿，而且特地採用澳洲進口的天然蜜糖製作，蜂蜜味又濃又滑加埋Honeycomb同Kitkat，一放入口即刻響起周杰倫首「甜甜的」歌詞：妳愛過頭竟然答應我 要給我蜂蜜口味的生活~加一顆奶球我攪拌害羞 將甜度調高 後再牽手~~~♪ 甜到漏呀！

然後係最代表到童年回憶的好立克X麥提莎mochi，一食落口即刻食到好大陣好立克咸味同麥芽香，同啱啱食既蜂蜜味都幾極端，終極挑戰味蕾~不過就食唔到麥提莎味，因為已經比濃濃嘅好立克味掩蓋咗~如果本身鍾意飲好立克的話一定要試！

最後係抹茶，質感一樣軟糯幼滑，但出奇地竟然唔甜，並帶點抹茶苦澀味，個人覺得極有日本本地吃到抹茶雪糕味道~LIKE！

不過要留意番因為糯米糍外皮好薄，所以相對都溶得好快，建議快快趣用相機chop一張就好開始食，費事又濕又腍影響口感，曬晒！

仲有呢款曲奇杯雪糕，亦是由老闆娘利用朱古力碎曲奇親自烘焗，比一般雪糕cone更硬更脆，就算雪糕溶晒都唔會變腍。至於呢個夢幻藍雪糕叫Blue Vanilla，唔好以為咁藍一定係食色素，其實用嘅都係天然色素，食落亦係天然雲呢拿味，唔會有好膠或好假的味道。賣相更加係100分，唔講仲以為係Cookie Monster化身！

 

地點:中環天星碼頭（7號渡輪碼頭）地下C鋪
時間:10:30am-10:30pm
電話:2656-3318