我要掃平貨呀!

我要掃平貨呀!

相關信用卡:

我要掃平貨呀!

發表日期: 2013 年 10 月 02 日 更新日期: 2013 年 10 月 02 日 購物

作者:Lady C.

人生其中一個無奈,莫過於公司編你平日放假,而上星期二就係Lady C.我久違了的平日假喇。果日訓到自然醒,無所事事冇人陪又唔想宅喺屋企,Lady C.我就毅然決定去一趟MK hea下時間。果日去到MK,見倒瓊華出面排左條超級長既人龍,個長相善良既嬸嬸見我裝下裝下,就好心話比我聽:「姐姐仔,先施新店開幕呀,你都唔好執書快D排隊喇,有千幾件$113特價貨呀!」


人龍排到咁長,遲嚟既我已經心感不妙……


果然……這些機會不屬於我><…

聽倒特價,Lady C.我緊係有理冇理即刻排埋一份先啦!不過排到我果陣,千幾件特價貨已經全部售罄,這些機會原來不屬於我的……排左咁耐隊淨係得個桔,我實在唔甘心呀!為左轉移失落千幾件$113特價貨品既心情,Lady C.我轉過頭就將成擔心機擺晒落幾日後既7,200萬超級六合彩度……而幾日後,當我知道我夢寐以求既頭獎比4個人瓜分左之後,Lady C.我既購物慾就忽然暴脹喇!我決定要番去先施收復收地!(原諒我要搵個理由去敗家)

指定動作:爬文收集目標先施既信用卡優惠先!嗯……渣打信用卡滿足簽賬條件有現金回贈東亞工銀中銀信用卡就通通有正價貨品9折優惠,電器類貨品就有95折。幾好,唔錯,可惜我冇依堆信用卡,到時唯有夾個有卡既friend陪我去啦!

唔到佢say no架喇,Lady C.我今次係睇準旺角新店24/9 – 14/10既優惠期有備而來,配合埋信用卡折扣,實行要趁佢打折鑿佢一筆呀!還掂就嚟轉季,第一站緊係先行女裝部啦~ 敗番堆新衫新鞋新包包先,買滿指定金額有現金折扣喎,為左獲得最大優惠,話唔定會失控將成個先施搬左番屋企(買滿$900減$250、買滿$1,800減$500、買滿$3,600減$1,000),到時候朋友就可以發揮保安作用,的我番屋企喇!

我仲留意倒MK新店有個幸運大抽獎呀,或者可能may be我地買下買下分分鐘唔覺意抽中幸運大抽獎頭獎旅遊禮券(價值$10,000)呀!只須單一發票購物折實滿$500或以上,難唔倒我Lady C.既!


跪求好運~

敗家目標地點:先施百貨(旺角瓊華店)
地址:旺角瓊華中心UG-3/F及地庫(旺角站E2出口)