【我係神槍手】- Stella Yeung

YO !! 今次係我Stella Yeung第一條影片同大家見面 !
上次自我介紹咪話我好鐘意運動嘅 ?! 咁啱今個星期我去咗新蒲崗玩氣槍 , 原來氣槍都好正, 分分中都可以玩到出晒汗 !!
一上到去<香港射手會>會長已經係到等緊我啦 !!

會長個名勁搞笑佢叫<蝸牛> 英文竟然係照譯WAROUT 哈哈 真係好搞笑 , 不過我都係唔敢無大無細叫人蝸牛 , 叫返會長英明神武啲啊嘛 !!

場地都幾大有5000幾呎 , 會員仲超過200個, 最細個個只係得5歲, 最大係80歲, 原來玩槍都無年齡限制, 因為越來越多會員嘅關係, 換過3次地方, 越搬就越大! 佢地一年有2次公開賽 , 3次會內賽! 果然夠晒熱鬧啊 !

入到去玩槍區域係唔可以飲食,同埋一定要帶保護眼鏡, 場地會提供比我地!


入到去我見到一部好似Game Boy嘅物體 HAHA
原來佢係部計時器, 幫我地記錄返射擊嘅時間, 搞到我咁興奮以為見到兒時玩具添

學習靶場

開槍之前, 都要學咗點拎支槍嘅, 但除咗學拎槍之外, 仲會學瞄中靶....依個真係好緊要 !!

點解咁講 ?! 因為學完拎槍會長比我試下打個靶, 其實個靶都有成7米遠, 第一次打個靶9成99999都會唔知打咗去邊, 依時候會長就會趁機會笑我啦 哈哈

但笑完我之後佢好細心咁拎埋紙筆畫出瞄中比我睇, 神燈一點後再試打已經打中靶啦 YEAH!!

學習場一共有7搶要打, 3個靶 每靶各打2槍 ,1個Stop Plate靶 只打1槍!!

會長手畫, 講解氣槍瞄中方法 !

支支槍都係HKSHOOTERS訂制 點都唔知認錯 !

學習靶場時間參考

如果你地都去玩, 不防參考下我個時間挑下我機!! HAHA

第一次: 23:42秒

最快個次: 9:05秒

依個就係學習靶場, 唔好睇相好似好近啊 ~ 足足有7米遠 !

模擬場景

玩多幾次學習靶場之後, 會長就帶我玩模擬場景啦~

模擬場景難道高好多! 有唔同高低遠近大細嘅靶, 有啲靶細過手掌添 ~ 咁當然唔會即刻比我玩啦, 會長帶我行一次認下路, 再扮打試一次, 好啦 ! 試完....扮完...就開始玩啦!

學習場一共有15搶要打, 5個大靶, 4個細靶, 大靶各打2槍, 細靶打1槍 ,1個Stop Plate靶 只打1槍!!

依個就模擬場景啦~ 有晒路線 ~ 我係跑住黎玩㗎 HAHA


除左遠近靶顁之外,仲要好似捐山窿咁 HAHA


有人笑我話 : 點解你要跪係到 ?!
大佬! 個靶咁低又咁細(左上黃色靶)唔跪係到點打到”快”狠”準”啊 !!! HAHA

模擬場景時間參考

模擬場景難啲㗎 ~ 挑贏咗我記得話我知 !!

第一次: 32:12秒

最快個次: 18:35秒

最後仲捉咗會長同我影張合照~ 會長好玩得㗎!!

一共玩左2個幾鐘, 最後個個模擬場景我仲玩到出晒汗添啊 HAHA 會長仲讚我有天份, 第一玩已經玩得好唔錯 (暗爽中.......)
第一次玩槍Game發現都幾好玩, 又有爆發力 , 體能 , EQ , 細心 真係一個好唔錯嘅遊戲
如果唔夠喉仲可以報班, 有機會你地都去玩啊!! 真係玩得好開心, 玩會又唔會好攰,  值得推介 !!

地址: 九龍新蒲崗景福街108-110號超達工業大廈1/F  D室
交通資訊: 鑽石山地鐵站B出口
價錢: 每位$250  < 2 - 3小時 > 只收現金
電話號碼:  92379086

網址: http://www.hkshooters.com/