慳家女必睇!$19.8自製玫瑰花餃子
慳家女必睇!$19.8自製玫瑰花餃子
相關信用卡:

慳家女必睇!$19.8自製玫瑰花餃子

發表日期: 2017 年 03 月 24 日 更新日期: 2017 年 03 月 24 日 飲食
作者:Salad Ho 沙律

儲錢呢個夢長期雄踞新年願望榜首,呢一年點先可以慳到錢?除咗去少啲日本之外,亦可以從返工食飯使費入手。最慳錢莫過於帶飯,除咗可以慳錢、健康之餘,仲可以Show下廚藝,露兩手畀同事睇。今次介紹嘅玫瑰花餃子喺台灣、日本勁Hit,最主要係外形夠靚,而且好有飽肚感,因為至少用上3塊或以上餃子皮,餡料亦因而多過平日嘅份量,所以一隻玫瑰花餃子等於3隻普通餃子份量㗎喇,一個人份量嚟講食5隻已經好足夠,而成本只係$19.8左右,抵過出街食螢光色芡汁碟頭飯啦。

成本(一個人份量/5隻):肉餡材料$16.8+調味料$3=$19.8

 



肉餡材料($16.8)

半肥瘦豬肉 200g $10

蔥 10g $0.3

椰菜 100g$2

餃子皮 30塊 $4

蛋 1隻 $0.5

水 適量

調味料($3)

鹽 2茶匙

砂糖 1茶匙

豉油 10毫升

紹興酒 12毫升

水 25毫升

白胡椒粉 1茶匙

麻油 1茶匙

步驟:

(1人份量5隻)

1. 切好蔥、椰菜待用。

2. 豬肉加入鹽後攪勻。

3. 摔打1-2分鐘至有黏性。

4. 加砂糖、豉油及紹興酒入豬肉,然後攪勻。

5. 接下來分3次倒水入豬肉,讓豬肉吸飽水份,口感更嫩。先倒8毫升水進豬肉,攪勻至豬肉完全吸收,然後再加8毫升水進豬肉攪勻,最後將餘下的水倒進豬肉攪勻。

6. 加入蔥、薑、白胡椒粉及麻油,與豬肉攪勻,醃一醃待用。

7. 將鹽加入碎椰菜攪勻。目的是讓椰菜出水,煎煮時不會出太多水影響外觀。

8. 將已加鹽的碎椰菜靜置30分鐘。

9. 用手擠乾椰菜水分。

10. 將脫水椰菜加入肉餡。

11. 將3塊餃子皮平鋪放好。

12. 重疊位用蛋汁黏著。

13. 將餡料放在3塊餃子皮中間,但不宜落太多餡。

14. 餃子皮邊位擦上蛋液,對接黏緊。

15. 由左至右捲好餃子。

16. 用蛋汁黏緊,形成玫瑰花形狀。

17. 加1匙油到易潔鑊中預熱,出白煙後放上餃子。

18. 用細火煎2-3分鐘。(不要翻動餃子)

19. 加熱水進鑊,水位約去到餃子一半。

20. 蓋上鑊蓋,細中火煮5分鐘。

21. 以上步驟再重覆2次,煮至餃子全熟,完成。