慳唔少!樂天市場抵買新奇貨品一齊睇

慳唔少!樂天市場抵買新奇貨品一齊睇

相關信用卡:

慳唔少!樂天市場抵買新奇貨品一齊睇

發表日期: 2016 年 08 月 05 日 更新日期: 2016 年 08 月 05 日 優惠攻略購物

作者:Yvone 二方

雖然日元嘅匯率未去返最抵嘅價,不過我噚日上樂天睇吓有咩好買時,發現有啲貨抵過喺香港買好多!除咗有抵貨要入手之外,我仲發現有唔少新奇產品,唔知你又冇勇氣去試呢?首先我哋睇吓有咩係抵買先!

扺之選:

第一樣係爽健去硬皮機!喺樂天只係賣緊約港幣$230,不過喺香港買就要成$300。佢係用佢嘅電動滾輪去磨走死皮,比起自己搵磨腳石磨方便得多,又唔使驚好似用較剪咁剪到流血。

爽健去硬皮機


▲2邊個價錢都差差唔多成$100。


第二樣要講嘅就係生酵素。呢隻酵素蘊含多達222隻蔬果、植物、殼物嘅抽取物, 而且加入美容成份如維他命B以及Q10。如果喺香港買,都要$130幾,喺樂天買都係$100左右,每包平$30,成20%㗎!

生酵素222


▲樂天賣$105,香港就$138,如果買得多條數都幾可觀。


之後要講嘅就係近來好hit嘅防曬。Annessa防曬喺香港普遍都賣緊$190,依家喺樂天買就$170有交易!Annessa有佢獨特嘅技術,當遇上汗水嘅時候,水同埋防曬成份可以喺皮膚上面形成一層薄膜,令佢冇咁易剝落。而且呢隻防曬用普通番梘就可以清乾淨,唔洗落妝,好方便。不過提提大家,防曬幾個鐘頭就要補一補,如果有磨擦過皮膚都要補啊!

Annessa防曬


▲雖然香港嗰個係銀色,金色都一樣賣緊$195,慳番$20,買開其他嘢都可以買埋。

另一個我覺得好抵嘅就係呢個體重計。呢個體重計除咗可以磅到體重之外,佢仲可以測到身體嘅脂肪比例、計算BMI以及內臟脂肪比等。要知道體重唔代表一切,因為同體積嘅肌肉係重過脂肪,想知道身體實際情況係點,脂肪計會係一個更可靠嘅選擇。佢原理係透過通過一個微弱嘅電流,從電阻嘅情況去猜測身體嘅脂肪比。喺香港買要成600幾700元,網上買400元有找,唯一問題係佢重運費會較多,建議夾埋其他貨物集運分擔運費。

Omron脂肪磅


▲呢個磅個價錢真係差勁遠,可惜佢重要多啲運費,記得善用集運服務!

肌美精呢款面膜個價錢亦都差幾遠吓!喺樂天網上面買$40左右,香港買要$68。呢款面膜係一款美白面膜,有維他命C做美白嘅效果,同時亦加有骨膠原作保濕效果,可以話喺美白嘅同時都會有補水嘅效果。除咗有維他命C做美白,呢款面膜仲有果酸檸檬酸,佢有軟化角質幫助換膚嘅功用。

肌美精面膜(深層美白)


▲平成三份一㗎!



新奇之選:

以下就要講吓新奇嘅產品喇!首先登場嘅係粉底,不過佢唔係非一般嘅粉底,佢係腳部用嘅,可以遮蓋腳部嘅瑕疵,等唔使著絲襪雙腳睇落去都可以完美無瑕。

美腳粉底


▲樂天市場售價約$124。

而近排好熱門嘅Loveliner原來有推Sanrio版,價錢同普通版都差唔多,鍾意Sanrio人物嘅就要放佢落心水清單喇!每一個卡通人物都有唔同嘅顏色,好似Hello Kitty 係紅色、Melody係粉紅色、布甸狗係深啡色、蛋黃哥唔係橙黃色而係金啡色,想要黑色嘅就可以揀Little TwinStars。同普通Loveliner一樣,都係加有保濕成份如透明質酸等成份。

Loverliner x Sanrio 多色眼線筆


▲樂天市場售價約$132,其實香港正常Loveliner都賣緊$179,都抵㗎。

呢個產品聲稱可以撫平細紋,原理係拉番起細紋凹陷嘅位置,有冇效真係信不信由你,貼咗上去應該會有拉緊咗嘅感覺嘅...嗰一下...

拉提貼


▲樂天市場售價約$164。

有冇單眼皮或者內雙嘅人?我就係次次出街都要用雙眼皮膠紙先有番迷人的雙眼皮,都幾麻煩。呢個好似眼鏡嘅產品聲稱戴5分鐘就可以有雙眼皮,感覺好似會整到隻眼痛咁,唔係好敢試。如果咁樣5分鐘就有雙眼皮,的確慳番唔少功夫!

雙眼皮訓練器


▲樂天市場售價約$41,買個玩吓都唔會心痛。


最後呢個真係睇到就覺得好痛!平時如果鼻毛長得滯,我通常都會用較剪仔解決佢,不過就好快長又要再剪過。竟然會有人想將佢連根拔起!呢個產品其實係用蠟脫毛嘅原理,首先將啲蠟放入微波爐入面叮融,之後就用支棍仔沾啲蠟,然後就插入鼻孔。等一陣再拔出來,所有鼻毛都逃唔出被拔掉嘅命運啊!如果你覺得成日要修剪鼻毛好煩嘅話,不妨可以考慮吓佢,一痛以除後患。提提大家,鼻毛其實有過濾空氣嘅功能,除非你真係好憎佢啦......

GOSSO除鼻毛蠟


▲樂天市場售價約$149。


最後溫馨提示,善用集運服務可以慳唔少運費㗎!

推廣期內,客戶憑DBS信用卡透過日本樂天市場購物可享以下優惠。

JPY1,500即時折扣
於樂天市場單一簽賬滿JPY10,000或以上並於付款時輸入該月份之推廣編號

DBS萬事達卡持卡人於星期五消費可享10x樂天超級點數
(如購物JPY10,000可獲1,000點數,即相等於JPY1,000)

推廣期
JPY1,500即時折扣:即日至31-08-2016
萬事達卡優惠:即日至31-12-2016

信用卡優惠詳情可以去〈呢度〉睇。