愛情與麵包? 我教你點揀!

愛情與麵包? 我教你點揀!

相關信用卡:

愛情與麵包? 我教你點揀!

發表日期: 2014 年 02 月 13 日 更新日期: 2014 年 02 月 13 日 購物

作者:炸雞波

又到一年一度舖天蓋地嘅消費旺季 — 情人節喇! 計我話, 情人節最大嬴家永遠唔係情聖, 係一眾「浪漫」策劃人 ﹕生意佬!


將一生只戀愛一次嘅「巴黎九棍魚」起肉打成魚蛋, 再放喺「印度嘅感情咖哩」上面…… 哇, 浪漫成咁, 賣成40蚊兜都速磅啦!
喺香港要談場高消費戀愛真係唔易, 唔少人為氹身邊嗰位至愛BB開心, 節衣縮食餐餐捱麵包…… 陰公豬, 做人要愛惜自己, 先有人愛惜你架嘛!

咁點樣先可以氹人開心而又唔傷身呀? 咪就係Homemade囉 — 啃還啃都要講求Quality, 自己整麵包除左慳錢之餘, 仲可以賺到健康同樂趣!



其實上個月頭已經密謀送份愛的禮物比我嘅初戀情人 – 炸雞波媽 (^3^)y …… 喂! 邊個話情人節只可以氹男女朋友開心喎, 親情都係「情」啫 !

咁啱又比我八到新一年度嘅匯豐獎賞錢購物網已經Update 左 , 即刻貢上去睇下有乜荀野! 貢貢下馬上「目及」中心儀已久, 叱咤婦女界嘅C9殺手 — Panasonic麵包機(SD-PM105), 仲要係目前行貨最新型號喎, 低至76折添, 算係咁啦, 即換!

換呢部機之前都格過價嘅, 一般電器連鎖店都係公價($2380)再9折咁, 都心郁郁想買架喇…… 咁橋而家匯豐有得換, 我又剩落大把$$$獎賞錢喎, 一個仙都唔洗就換到部機返屋企嚕, Yeah…係咪好羨慕我呢?!  上購物網搞掂晒手續就等收換領信啦, 大概兩個禮拜就到手, 如果急用就記得預鬆少少時間喇!

如果你冇我咁疊米都冇問題, 你只要有至少 $10獎賞錢, 餘數可以用返匯豐信用卡找數就OK, 一樣好似平時買野消費咁, 有得儲獎賞錢架!



比少少製成品實拍誘惑下你地啦! 講真, 齋睇相係感受唔到製成品嘅色、香、味有幾咁吸引; 又咪話我唔提醒你, 換之前真係要有心理準備, 因為……真係返唔到轉頭! 食開自己整嘅麵包真係唔會再想食街外嗰啲囉! 唔講咁多, 我又唔係寫食評, 不過我全家對呢部機子都讚口不絕, 以呢個咁抵嘅價格入手絕對超值!  



如果你話你冇匯豐卡, 不妨諗下申請張東亞銀行信用卡, 而家至2月28號申請, 只要喺於發卡後頭2個月內簽帳滿$6,500或以上, 就可以$75*12期換購Panasonic麵包機(SD-P104) 一部! 經網上申請開卡, 仲多$100 現金回贈添, 正!



整完麵包, 又想搞下花臣整埋餅, 靚女同事話我知恆生Cash Dollars精選獻禮網最近都更新左, 有部P牌焗爐仔接近7折就換到喇! 雖然我唔夠Cash Dollars, 不過勝在可以預支, 仲有差不多成年比我慢慢儲, 話都冇咁易啦! 速換!
好快我就以用自己整嘅麵包做Pizza 同Bread Pudding嚕!  


今次我炸雞波就分享到呢度為止!  
祝願天下有情人, 過返個愛情與麵包俱備嘅情人節……啜~~~