《復仇勇者》:里安納度勝算如何?!
《復仇勇者》:里安納度勝算如何?!
相關信用卡:

《復仇勇者》:里安納度勝算如何?!

發表日期: 2016 年 01 月 18 日 更新日期: 2016 年 01 月 18 日 生活
作者:Aryiu

里安納度喺18年前做《鐵達尼號》時,已經有人話佢值得攞個男主角獎,後來嘅《不赦島》、《捉智雙雄》、《無間道風雲》,再到票房同演技都備受肯定嘅《Inception》同《華爾街狼人》,一個貶眼差唔多二十年後,連觀眾都戥佢唔抵咗好多次,佢都係同奧斯卡奬項絕緣!!


今次嘅《復仇勇者》,佢真係搏到盡喇~!可以形容為睇都覺得好辛苦。受重傷,玩激流,食生肉,訓馬屍,跳懸崖,當然唔少得最引得起話題嘅一幕:同隻熊啤啤埋身肉搏幾分鐘!由於隻熊嘅兇狠程度像真度太高,引起好多討論,究竟係點拍㗎呢?就係搵特技人臨摹熊引嘅肢體動作,再同CG加返熊仔嘅身體Texture落去,但成件事都係喺現場實地拍㗎,里安一下下撼埋啲泥地到都係堅。
導演仲話方圓幾十米嘅樹都係膠做㗎,免得里安打打下飛埋棵樹到時整親咁話!

熊仔係假,但入面大部分野都係真!包括冰天雪地嘅景,導演阿利安卓話就係要大家難受呀!上次《飛鳥俠》玩(偽)一鏡過,今次係野地之外,導演就堅持要自然光,自然景,追求真實感,所以冚世界去咗個唔係人住嘅極地拍攝,拍咗成年!根據報導,佢地每日天未光就由酒店搭兩三粒鐘車去拍攝場地,但因為日光時間太少,拍得幾粒鐘,又搭返兩三粒鐘車返酒店,聽都覺得攰。

導演佢又話的確可以大家每日入片廠,用綠佈景搞掂哂佢,但如果要拍一個咁極地求生嘅故事,而演員同工作人員係日日喺廠入面嘆冷氣嘅話,咁個感覺就不對嘛!真係...敬業到呢...仲有里安納度喺戲入面食生牛肉、食生魚食到成面血,全部都係真。生魚呀,唔係魚生呀,而里安本身係素食者,導演話佢都估唔到里安肯答應,為咗演戲,你可以去到幾盡?不過話說回頭,今次奧斯卡嘅對手都非常強,尤其《丹麥女孩》嘅艾迪烈柏尼同《時代教主:喬布斯》嘅米高法斯賓達!主席,個奬唔易攞呀!

《復仇勇者》故事非常簡單,就係男主角里安納度想復仇嘅故事...無錯嘞!係「想」。
當中九成都唔係復仇嘅情節嚟嘅,但個名係無改錯㗎!因為成套戲講佢點樣喺一個咁惡劣,自己又身受重傷嘅情況下不斷求生嘅故事,而佢求生,就係為咗一個原因:報仇!呢種我活著就是要復仇嘅境界,有少少《原罪犯》嘅味道;而話時話,呢套戲本身嘅導演就係《原罪犯》嘅朴贊郁,男主角係Samuel Jackson。但後來朴贊郁推咗,先改為阿利安卓上陣,拍出了佢強烈嘅風格!

小妹就預祝里安納度可以集埋奧斯卡獎之餘,套電影可以繼續大收嘅!講真,成隊Crew喺咁嘅環境下拍咗成年,真係燃燒緊生命呀,點可以唔買飛入場支持吓?!

依家申請美國運通Blue Cash信用卡,有現金回贈又有戲飛送,絕對可以考慮睇多次Yeah!