建行(亞洲) 率先出 銀聯 鑽石 Prestige 信用卡 高消費勁送著數

之前銀聯宣布喺香港推出比鑽石卡更高級嘅鑽石Prestige卡，建行(亞洲)應該係第一間宣佈出款卡嘅銀行。新卡一出，即刻同大家睇下有咩特別之處。

 

申請資格未公開
呢張卡暫時只限獲邀請客戶申請，睇返鑽石Prestige卡嘅優惠，簽賬要求幾高，都係針對高消費人士，相信被邀請客戶都係有「貴賓晉裕」/「貴賓理財」戶口嘅客、前者戶口要有$5,000,000餘額，後者都要$1,000,000餘額。

 

$8=1里數 / 0.5%現金回贈
同建行(亞洲) Visa Infinite卡一樣，呢張卡都係$8=1 Asia Miles里數。如果唔要里數亦可以揀現金回贈，200分回$1，即係0.5%。不過呢張卡本身暫時未有指定類別簽賬嘅額外優惠，比率上唔算特別著數。

 

入機場貴賓室免預約
銀聯鑽石卡可以入香港、澳門同台灣機場貴賓室，每年有3次免費，不過要提前預約。 鑽石Prestige信用卡就可以免費任入 (每日1次)，睇返條款亦冇提過要預約，只要出示信用卡同當日登機證就得，果然係高級啲，不過帶人入去仍然要俾$350。

 

簽滿指定金額有免費獎賞
出卡後2個月內簽賬滿指定金額，會有特別禮物送：

奬賞	連續2個月 累積消費金額
The Coffee Academics 咖啡禮盒 (每年可換6次)	$40,000
跑馬地馬場 銀聯貴賓廂房服務 (每年可換6次， 每次可攜同3位親友)	$50,000
享用觀瀾湖高爾夫球會 設施及服務 (每年可換6次)	$60,000

而每年簽賬滿指定金額，仲有免費旅遊獎賞：

旅遊奬賞	每年累積消費金額
雙人澳門之旅 或 $1,000 現金回贈 (0.67%)	$150,000
雙人亞洲之旅 或 $4,000 現金回贈 (1.6%)	$250,000
雙人歐洲經典之旅 或 $7,000 現金回贈 (2%)	$350,000
雙人歐洲極光之旅 或 $10,000 現金回贈 (1.67%)	$600,000

 

90日購物保障包手機屏幕
由簽賬日起90日內有購物保障，自負額$300，因意外損毀或被竊每次最高有$50,000賠償，當中每件物品最高保障$25,000，而手機屏幕保障額$1,200。

其他銀聯鑽石Prestige卡優惠仲有：
－Coffee Academics精品咖啡買一送一
－香港尖沙咀凱悅酒店Hugo’s三道菜午餐 / 六道菜經典晚餐買一送一
－銅鑼灣Fashion Walk簽賬滿$500送$100禮券，滿$1,200送$300禮券
－30天免費綜合旅遊保險
－簽賬滿$2,000可以$250享用轎車機場接送服務
－新加玻航空指定航班升級商務艙位$5,300起
－入住新加坡百樂集團酒店免費房間提升或餐飲折扣。
－於任何認可高爾夫球球會內「一桿入洞」，可獲$3,000獎賞。

 

建行(亞洲)鑽石Prestige信用卡明顯係針對高消費一族，就暫時已知嘅資料嚟講，呢張卡優點在於銀聯提供嘅優惠，本身除咗$8=1里數之外，就冇乜特別。希望到佢正式開放申請嗰陣，建行(亞洲)會推出多啲專有優惠。

 

限時優惠：
【銀聯鑽石Prestige卡獨家顯赫獎賞 率先欣賞亞洲當代藝術展及一系列貴賓式禮遇】
【獨家好事"傳"千里：經本網申請及加入成為「亞洲萬里通」新會員，額外送你高達1,000里數！】
【成功申請即可獲2張「香港美酒佳餚巡禮」入場券，網上申請及交齊文件，可享$150禮券】