平飛馬爾代夫
更新日期: 2014 年 08 月 06 日
有人話因為地球暖化，海水水位上升，馬爾代夫將會被淹沒。無論如何，馬爾代夫都係一個值得去嘅旅遊勝地，特別係陽光與海灘，住喺各小島上嘅Resort，打開房門就已經對住大海，可以享受寧靜。
馬爾代夫好多小島上面都有Resort。
一出房門就係海。
由香港去馬爾代夫嘅機票都幾貴，平嘅就要轉機等到暈。香港航空最近做緊香港直飛馬爾代夫首都馬累嘅機票優惠，來回最低$2,280，連稅$4,309。出發日期由8月27日至10月18日，由於開賣咗一陣，10月嘅平飛已經所餘無幾，最平嘅喺9月份仲見到有。雖然有其他廉航係平過佢，但直航呢一下已經贏晒。
買香港航空機票，又係時候出動工銀亞洲香港航空Visa白金卡。
買香港航空機票，又係時候出動工銀亞洲香港航空Visa白金卡。
如果想遲啲先出發，就可以揀國泰，佢而家做緊廣州來回馬爾代夫特價，出發時間有3個 (9月1號至9月27號、10月5號至12月22號、2015年1月2號至1月31號)，來回$1,480人民幣，連稅$3,413，大約係港幣$4,287，加埋去廣州交通費大約$4,500。雖然佢去程係廣州停香港再直飛馬累，但回程亦係沿路返回，喺香港落機可以當係直飛。當然佢冇香港航空咁平，廣州起飛亦係朝早10點，由香港坐火車到深圳轉和諧號高鐵去廣州東站，再轉地鐵去機場南站，到廣州白雲機場快極要三個鐘，正常就三個半鐘，紅磡頭班火車開05：30，去到機場時間相當「汶水」，可能要去廣州訓一晚比較穩陣。而去程要喺香港等轉機，帶定張可以免費享用機場貴賓室嘅卡，例如Citibank PremierMiles 卡、舒舒服服抖返兩個鐘。
買國泰機票可以儲Asia Miles里數，呢Set機票就賺到1,530分。
買國泰機票可以儲Asia Miles里數，呢Set機票就賺到1,530分。