平民食堂-九龍區必去熟食街市

平民食堂-九龍區必去熟食街市

相關信用卡:

平民食堂-九龍區必去熟食街市

發表日期: 2016 年 05 月 30 日 更新日期: 2016 年 05 月 30 日 飲食

作者:雅軒


呢個係平民食堂的第三集~九龍區啦~ 因為太多嘢想講,所以分咗再上下集講~
第一站就係九龍城啦,九龍城的熟食街市最出名就一定係樂園啦

樂園-沙嗲牛肉西多$29/奶茶紅豆冰$22=$51

呢個沙嗲牛肉西多同埋奶茶紅豆冰好出名~呢個奶茶真係好好飲,佢個種滑同個種茶香真係你喺罐裝飲品到搵唔到,個紅豆味滲曬入杯奶茶到,係真心好好飲!沙嗲牛肉西多有曬沙嗲牛肉味同西多味好搞笑!
但係真係超級多牛肉,好好食,有陣咸咸地又甜甜地,又覺得幾Make Sense~好似滿足咗你食沙嗲牛肉麵同西多的感覺咁~



泰苑小食-生蝦$98/冬蔭功$55
泰苑小食出名食生蝦同埋冬蔭功,啲人係話呢一間係特別好食的~生蝦好大隻,粗過一隻手指架,D肉超級實淨,Very Nice的~佢仲會炸埋個蝦頭俾你食㗎,個炸蝦頭係驚喜嚟!
冬蔭功湯唔至只有辣味,你會Feel到好重嗰啲泰國香料,酸辣個種感覺,但佢唔會被嗰陣辣味蓋過所有嘢,係好舒服的湯~如果你鍾意冬蔭功個隻酸或者其他味而唔係個陣辣味,呢個湯係幾Nice的~



好多人都唔知旺角係有兩個熟食街市的,其中一個就係朗豪坊可以通到過去嗰個熟食街市啦~第二個就係
花園街熟食街市啦

妹記生滾粥品-牛片魚腩粥$44+鮮魚皮$23
呢到個Menu有埋日文㗎,呢到除咗有生滾粥之外,佢仲有生魚片㗎,不過我就唔夠膽食啦~
「廣東開花綿綿粥」喺旺角嚟講呢間食粥真係好食!
牛肉好滑,唔UN唔鞋,超好食,個魚都好好食!
魚皮-我就覺得有少少細碟,我好鍾意佢好多薑蔥喎
呢個好重麻油味,就係因為呢個麻油味,又少鼓油,所以食到佢個個鮮味!


鬍鬚佬大排檔-脆炸豬手$88
鬍鬚佬旺角大排檔最出名的就係冰鎮三寶!但係老闆娘話係夏天先有得買,所以呢佢就推介咗另一樣野,就係脆炸豬手俾我哋啦。超級香,佢仲有呢個甜酸醬附送。佢有啲似德國咸豬手嗰隻感覺,然後表面係炸乳鴿的脆,入面就是咸豬手咁樣。
旺角仲有另外一個熟食街市就係朗豪坊的後面,係朗豪坊的的二樓,即係麥當勞個層,之後沿住呢個TheBodyShop行過去就可以通到個去市政大廈另外一個熟食街市,就係旺角熟食中心。


澳門翠苑餐廳-咖喱雞農夫包$60
澳門翠苑餐廳就係呢個好出名的咖喱農夫包,點知呢個變咗原舊雞咁上!!!!個包皮就超級脆,不過個咖喱汁有少少咸,成個餐最出色就係個蓋同埋個羅宋湯
真心我覺得:曾經我食過係好好食,而家。。。。。我地都係去返花園街街市啦


小番外:
公和豆品廠-豆腐花$15
嚟到九龍城一定要食呢個-公和豆品廠。因為呢個豆腐花全香港淨係得一間,好清新好滑好好食!


下一集最後一集有尖沙咀隱藏街市
同埋總結返咁多區的資訊俾大家!記得睇啦!

是日消費:
樂園-沙嗲牛肉西多$29/奶茶紅豆冰$22=$51
泰苑小食-生蝦$99/冬蔭功$55 =$144
妹記生滾粥品-牛片魚腩粥$44+鮮魚皮$23=$67
鬍鬚佬大排檔-脆炸豬手$88
澳門翠苑餐廳-咖喱雞農夫包$60
公和豆品廠- 豆腐花$15
合共:$425 (現金)