平安夜開房煮飯仔 餐枱上共度春宵

平安夜開房煮飯仔 餐枱上共度春宵

相關信用卡:

平安夜開房煮飯仔 餐枱上共度春宵

發表日期: 2016 年 12 月 22 日 更新日期: 2016 年 12 月 22 日 生活

作者:August Amber

有謂「平安夜,失身夜」,好多男女喺呢一日,呢一夜喺情到濃時搵地方共渡春宵。雖又有云春宵一刻值千金,但香港土地問題嚴重,覓得酒店開房,又怕傷了荷包;搵到時鐘酒店,又怕對方嫌污糟同cheap,苦了一眾巴打。喺平安夜,點先可以同另一半共渡浪漫又甜密嘅一晚,同時又唔會嚴重傷害荷包?

如果純粹開房,肯定畀女方埋怨鹹濕,抹煞埋咁浪漫嘅一個節日,所以筆者介紹大家嘅係,一邊瞓酒店,一邊煮飯仔,咁就可以同渡春宵同時,又可以喺廚房同餐枱上浪漫吓,一舉兩得

平安夜節目,總係愈早準備愈好,無論book酒店房定自助餐,永遠早訂可能有優惠,位都多啲。好似都有廚房仔畀人煮吓嘢食、房價又平啲嘅酒店,例如太極軒279酒店、香港尚環服務公寓咁,啲房都畀人訂晒,不過香港咁大,總有啲酒店可以畀大家聖誕前訂到房,又可以煮吓飯仔嘅

第1位:麥當勞道貳號 地址:中環麥當勞道2號

筆者不得不將麥當勞道貳號排喺首選位置,首先佢哋酒店(或服務式公寓)係全部房間都有廚房仔畀人煮飯仔,唔使話價錢好高嘅房先有電磁爐頭。喺半山嘅麥當勞道貳號 ,有啲房仲望到維港,打開窗簾對住個景sweet sweet真夠爽。另外,間酒店設計時尚,格調感覺唔錯,又位處半山,個地段都好好feel同high class,性價比冠絕其他有廚房仔嘅酒店囉。

喺12月20日查詢booking.com嘅最抵價錢,24號入住,25號check-out,房價係$2,400。

▼麥當勞道貳號間間房都可以煮飯食,呢間係家庭兩房套房

▼呢間係商務套房


▼煮食電磁爐頭

第2位:北角海逸酒店 地址:北角英皇道665號

海逸酒店房價平時都唔貴,但好多內地人住,睇吓各位介唔介意喇。北角海逸酒店除咗房價平,仲有唔少房係望住維港,睇到九龍果邊聖誕燈飾,除夕入住,仲睇到煙花添,不過衰在只有「溫馨海景套房」有得煮飯仔;要喺佢個酒店網提早4日用信用卡畀晒錢訂房,先可以用$3,520入住24號晚嘅呢間房,透過booking.com最平就要$3,872

另外北角海逸近住鰂魚涌地鐵站口,附近又有電車,交通方便嘅,食完大餐又睇完燈飾,返酒sweet sweet都唔錯。至於要成$3000幾蚊一晚值唔值,就諗吓你嘅情人重要定啲房錢重要喇。

▼北角海逸啲房設計較老套,而且得貴價房先可以煮飯仔

▼咁個廚房又真係幾大嘅

第3位:園景軒 地址:半山麥當勞道一號

3位係麥當勞道貳號隔籬嘅園景軒,佢哋啲細房冇廚房仔架,要最大嘅3種房:園景套房(440方呎)、豪華套房(530方呎)同尊尚套房(560方呎)先有。問過酒店喇,book 24號晚園景套房要$4,900計埋10%附加費就要成$5,400落樓,一啲都唔平,我係你就揀麥當勞道貳好過

至於用酒店格價網訂房,訂到有廚房仔嘅房只有園景套房,最平嘅攜程旅遊,1晚要$5,000,好貴囉,有寶咩?其實永安豪華套房只需要$2,800,但一早已經full咗,所以話早準備有着數。

▼望維港景嘅房間確係唔錯

▼從攜程網嘅圖片睇,個廚房真係唔錯,但房價貴,性價比遠遜隔籬果間麥當勞道貳號

第4位:富豪機場酒店

呢間酒店係筆者列舉嘅4間酒店中,least favourite。首先富豪機場酒店喺機場,邊有另一半完全唔介意同你坐咁耐車去咁遠sweet sweet?咩mood都冇晒啦!再者佢哋只有所謂嘅公寓套房先有廚房仔,24日呢一晚仲要成$5,750,仲要sweet完落街食少少嘢補充體力嘅餐廳都冇(叫room service同喺酒店餐廳食不在此論),真係唔化算。

▼距離遠之餘,房價又貴,個廚房再靚都冇用啦

時鐘酒店唔平兼難搵吉房

好喇好喇,筆者知道實有人嫌貴,又會話另一半瞓時鐘酒店、冇得煮飯食都唔介意。

筆者又問過幾間受開房人士歡迎嘅時鐘酒店。以21日嘅房價計,太子砵蘭街間百佳最平,$160個鐘,兩個鐘$210,加鐘要$94;第二平係尖咀漆咸道南果間金莎,3個鐘$270,跟住就係旺角砵蘭街間維多利亞,$300兩個鐘;較貴嘅九龍塘異國風情精品酒店就$400三個鐘。

係,我知時鐘酒店對於要滿足情欲嘅男女嚟講,點都平過住酒店,但如果多一點舒適同甜密咁,可以煮個飯仔冧女友,happy嘅時候對方都易入mood啲啦。

最緊要嘅係,時鐘酒店冇得訂房(唔否認有啲有),你覺得平安夜果晚你咁易搵到房咩?仲有,平安夜同情人節一樣,時鐘酒店會加價,平日$300兩個鐘,有機會果晚去到$500-$600,如果要過夜,真係可以要成千幾二千蚊晚,同你正式book間平價酒店嘅價錢相差無幾,咁點解仲要去時鐘酒店呢?如果happy兩三個鐘後,冇得過夜,要各自回家,咁仲無謂!

有啲人就扮作有道德感,唔去時鐘酒店之餘,仲連$2,000幾蚊都話唔想畀,但又想同另一半渡春宵,非常好笑,咁筆者就唯有建議佢就地啦,唔好煩。

聖誕冧女必備WeWa卡

平安夜又點止係失身夜,同時亦係男士嘅「失金夜」。為咗失去嘅錢變得(更)有價值,其實可以拎WeWa卡同女友吃喝玩樂,因為最高有成4%現金回贈,包含「旅遊」、「睇戲」、「唱K」、「主題公園」商戶類別。各位巴打,過時過節洗錢要洗得精明啊!詳情按此

*本文章的酒店房價均於12月20日查詢,價錢未計加一附加費及服務費等;時鐘酒店價格於12月21日查詢