平中介一半！ 濟洲婚紗相祕點披露
更新日期: 2017 年 05 月 11 日
韓式婚紗攝影pre-wedding婚照為近年婚攝熱門選擇，通常新人都會搵香港中介幫手，貪其一條龍式服務唔使煩。其實想慳錢大可試下自己聯絡韓國當地嘅agent去book studio (都是套餐連衫同化妝)，可以比香港中介公司平一大半！
直接Book韓國當地Studio比搵本地中介可以平一半咁多，不過缺點係要負責返住宿、機場交通，亦冇翻譯，建議一早搵好晒Reference圖片，到時直接畀心儀化妝 、髮型相對方睇都可以溝通。
韓國婚紗攝影除咗形形色色嘅影樓，怡人嘅戶外風景都為人津津樂道。濟州係韓國熱門度假勝地，位於韓國最南方，有好多美不勝收嘅世界自然遺產。除咗春秋兩季嘅櫻花、油菜花、楓葉外，仲有海灘、火山、草原等等自然景觀，吸引唔少本地人、外國人專程去影pre-wedding婚照，以下係3個熱門景點！
1.O'SULLOC雪綠茶博物館
位於濟州島西部，於2001年9月1日開幕，係濟州島必去觀光點之一。由綠茶展示館、茶器名作展示館、茶生活文化館、茶種類館同十大世界茶杯展示館呢五個展示館組成。除咗可以了解多啲綠茶，仲可以體驗茶道、食綠茶甜品。
不僅因建築物整體以綠茶杯造型而出名，更是結合傳統與現代的文化空間，亦是貼近大自然的休憩空間。博物館內部有庭院與池塘，而建築物2樓還設有觀景臺，可以眺望綠茶田與周邊自然景觀。
重點係茶園，博物馆2、3層設有眺望台，盡收茶園美景。少女時代潤娥都嚟過拍廣告。茶園是博物館裡面面積最大的地方, 茶園馬路兩旁的停車場也很大, 比較方便自駕遊。在茶園拍照感覺一流, 四周有椅子可以在拍照間隙休息，茶園裡面有兩個爬滿綠色植物的茶杯，也是很多遊客的拍照位。
地址：濟州西歸浦市安德面西廣裡 1235-3號
時間：夏季(4月~9月) - 10:00~18:00 、冬季(10月~3月) - 10:00~17:00
網址：http://www.osulloc.com/kr/ko/museum
交通：市外公共汽車客運站坐去西廣西裏的公共汽車，1個小時左右一班，在西廣西裏下車後徒步約40分鐘即可到達
租車：從濟州島市區駕車過去約1個小時左右
門票：免費，但要於到訪提前1天電話預約
2.梨湖海邊
(http://cfile27.uf.tistory.com/)
梨湖海邊係最靠近濟州市區嘅海水浴場，交通十分方便。最吸引人莫過於兩隻紅白馬仔燈塔，矮矮肥肥好Cute！左邊一個紅色、右邊一個白色，配合藍天白雲背景，好似畫一樣咁靚，唔怪得吸引咁多情侶去影婚紗相。
(blog.daum.net)
夏天有唔少人會嚟避暑，而海邊嗰一片松樹林仲吸引到好多人去露營，好旺場！
另外，梨湖海邊嘅夜景都好出名，所以晚間都有好多遊客。雖然梨湖海邊好空曠，但唔使怕冇嘢食落肚，因為附近一帶有好多魚生店，專賣新鮮海產。如果識釣魚，仲可以租隻船出海釣魚，或於防波堤上垂釣都好悠閒。
(http://dehalzstudio.blogspot.hk/)
(Instagram:lee__jeyoung)
(Instagram:lzzzzzi_ni)
地址：濟州道濟州市梨湖1洞
交通：自龍頭岩搭計程車約10分鐘
3.三多水牧場 蘇志燮樹
行入韓國濟州島「三多水」林間小路，於橋來十字路口沿著「思連伊林蔭道」方向小路走，一個非常遼闊浩瀚嘅牧場出現於右手邊，遠望過去仲可以見到漢拿山。｢蘇志燮樹」同綠油油嘅草地形成一幅好和諧嘅油畫，好多人都讚嘆呢片草地好似非洲大草原一樣。草地呢棵樹因為曾出現於韓國男演員蘇志燮2009年嘅SONY廣告，因而被廣泛認識，所以又稱為｢蘇志燮樹」。好多韓國人指定去呢度影婚紗相。
蘇志燮- SONY DSLR-α系列相機廣告
地址：濟州道濟州市朝天邑橋來裏（제주제주시조천읍교래리）
時間：一年四季