實際與​潮爆 迎新任揀

申請信用卡都會有迎新禮物，最潮嘅有玫瑰鍋、麵包機、光波爐之類嘅流行廚具；但最實際嘅莫過於現金回贈，可以直接用返嚟買嘢。至於揀邊樣，當然係睇各位嘅喜好同需要。最近COMPASS VISA就出咗新嘅迎新禮物，潮爆與實際任揀。

獎賞當錢使
用COMPASS VISA平時每簽賬$250，就可以賺到$1 COMPASS Dollar。而喺指定商戶，例如百佳超級市場、INTERNATIONAL、TASTE、FUSION、GOURMET、GREAT、SU-PA-DE-PA、屈臣氏、豐澤、海逸國際酒店等等，更可以賺到2.5倍COMPASS
Dollar。仲可以即場將$1 COMPASS Dollar 當做HK$1咁用，即時扣減變相減價。

$1,200迎新好易賺
成功申請COMPASS VISA，就可以即刻賺COMPASS Dollar，其中一份迎新禮物係$1,200 COMPASS Dollar，即係有成$1,200任使！

要賺呢$1,200 COMPASS Dollar其實唔難，頭3個月累積簽滿$6,800，就可以賺到$300 COMPASS Dollar，平均1個月簽$2,267就OK。之後第4至12個月，每個月用payWave付款一次，嗰個月就可以賺到$100 COMPASS Dollar，相當容易，一年夾埋總共賺到$1,200 COMPASS Dollar。除咗當錢使，COMPASS Dollar亦可以用嚟換禮品或Asia Miles里數。

家居自助韓燒
近來睇肥媽《食平3D》，見到佢介紹啲菜式都好簡單，幾下手勢就搞掂，搞到我都心思思想試下整返一、兩味。其中有一集用韓式光波燒烤爐燒和牛同鰻魚，就咁燒真係超簡單，仲好似幾正咁喎，上網睇過，呢個爐有兩個不黏塗層烤盤，將食物放係烤盤上，透過紅外線光波將鐵盤加熱或直接用光波熱力煮熟食物。


同光波爐一樣，佢都係標榜無火、無油煙、健康煮食，用返食物本身嘅油份同脂肪，用少啲油冇咁肥膩。個圓盤向中間傾斜，上面有坑紋，可以導走煮食時嘅多餘油份，收集到下面嘅集油盒。仲有上面有不黏塗層烤盤，亦好容易清潔。佢唔同餐廳用明火燒烤，唔會燒到食物滴出嚟嘅油，出晒煙，喺屋企食韓燒就唔會搞到成屋油煙味啦。

除咗整燒烤，佢跟機仲會送一個方形烤盤，可以變化出其他菜式，例如可以用嚟整蜜糖燒雞中翼、鐵板燒、泡菜炒豬肉、韓式辣雞塊、芝士排骨、甚至開蛋漿整熔岩蛋漿飯！

申請信用卡有得送
我上網Check過，呢部機建議零售價要成$1,680，但申請COMPASS VISA有得揀德國寶韓式光波燒烤爐 (KQB-215) 做迎新禮物，頭3個月簽夠$6,800就可以免費拎走，想喺屋企食韓燒都可以考慮下。