寒冬下的受惠股! 波斯登! (03998)

寒冬下的受惠股! 波斯登! (03998)

相關信用卡:

寒冬下的受惠股! 波斯登! (03998)

發表日期: 2016 年 01 月 25 日 更新日期: 2016 年 01 月 25 日 生活

作者:高俊權 (高sir)

<高sir隨筆> :天氣堅凍! 市區溫度跌至接近0度邊縁, 睇睇電話溫度顯示仲以為自己去左東京.

近幾年, 全球氣溫一反常態時有所聞, 北極冬天玩溶雪, 本來應該結冰的地方忽然變暖, 香港這個溫帶氣候的地方, 竟然跌至0度玩雪景, 一眾從未見過雪地的「港燦」, 立即登山走去大帽山睇落雪, 結果被困山上要勞煩消防員救人, 其實睇雪好簡單, 你有錢買張機票, 近近地去北海道, 台灣的雪山等已經感受到落雪的景色, 冇錢買機票的話, 用番最原始「小學雞」果種方法, 去公園執條樹枝, 用水喉
沖下水, 放入雪櫃冰隔, 慢慢睇住佢變雪枝, 幾浪漫!


氣溫keep住得幾度, 但近排股市就係寒冬中來個反彈, 近期股市跌穿18600點後急彈至19300點, 另不少人唸, 係咪應該入市買貨!? 唔買會唔會失去呢個反彈機遇!? 情況就好似當日樓市一樣, 唔買下浪彈一彈, 咪會再高d? 而家入唔入市, 筆者冇太大意見, 風險其實大家都知, 但股市總不會一日跌到黑, 正常跌穿某個位置, 市場上的牛仔大軍比人劏到咁上下, 得番瘦牛的時候, 大戶都會忍忍口, 想食都養番肥佢先, 股市道理一樣, 早前跌穿18600點, 市場得番瘦牛, 大戶食黎都嫌硬胃, 養肥番恒指去到19300點, 一眾老散又想溝貨, 當然, 大戶會好願意比水位你入, 唔係點養大隻牛丫, 幾時宰牛就睇下大戶幾時落刀, 要唔要買貨, 自己諗諗.

就筆者意見, 就算你想入市, 請保持理性, 要做一隻肥牛仔, 都要識得走同做一隻強勢的牛, 買錯股企錯邊, 升市就冇你份, 跌就跟足咁注定死得啦, 今篇我講有關天氣凍, 唔係想借題發揮, 係堅有隻股關天氣凍事, 果隻就係波司登(3998), 呢隻波司登擺明係一隻受惠天氣嚴寒, 大家都要買多件羽絨服品而利潤會受惠的一隻股票, 早幾年, 亞洲區天氣反常 冬天熱到飛起, 羽絨賣得麻麻無哂計, 丫! 今年
唔同哂, 連台灣都飄埋雪, 香港同大陸大寒流出現, 照計數呢隻股係直接受惠, 諗諗.

至於入定唔入, 做唔做肥牛, 自己諗下囉! 咁凍, 我選擇冬眠好了!


本文不構成任何個別股份買賣或投資建議。