家用比$350蚊!

家用比$350蚊!

相關信用卡:

家用比$350蚊!

發表日期: 2016 年 10 月 07 日 更新日期: 2016 年 10 月 07 日 生活

作者:高俊權 (高sir)

<高sir隨筆>: 網上近日有一段新聞流出, 有青年月入一萬八千蚊, 而每月比家用$350而觸怒眾人, 事件公開後, 有人為該媽媽大抱不平, 因為照計月入$18000, 比得果$350家用, 形容為悔辱, 青年人當其母是乞丐嗎?

一時間, 網上千言萬語, 一時養到個仔女咁大, 比家用當父母係乞丐、又或生舊叉燒好過生呢D仔女、甚或前世唔修, 有這種忤逆仔女等等, 既嚴苛、又陰毒的評論四面湧進, 你又點睇呢?

就咁; 事發於討論區, 美聯金融一個理財師, 25才, 女性, 月入萬八, 擁有120萬資產, 每月比家用$350. 即每年比$4000.

由於呢位年青事主好慷慨咁寫埋自己每月支出並列表, 表出寫上了生活/娛樂費為$5000. 好了, 這樣一切迷圑打開, 大家執著這個$5000 窮追不捨!

七除八扣後, 每月儲一萬蚊, 原則上呢位青年咁做的確唔多好, 但網上朋友執著其$5000娛樂/生活費, 又是另一回事. 雖然女仔如果有個男朋友, 出街通常都唔多用錢, 但唔喺話人人都搵到個男朋友, 這點大家要明白, 且出黎做野, 放工約埋幾個女仔去行下街都要既, $5000一個月即係每個工作天用上約$250, 其實佢已經好克制, 喂! 娛樂/生活費指什麼? 生活費包埋生活, 即係生存最基本的條件, 係食飯嫁嘛.

一個月儲一皮野, 難得佢歲數只是25, 有120萬資產實在幾叻女, 但呢點我有懷疑, 就算月儲1皮, 一年12萬, 25歲比你打盡做左5年野, 5年都冇可能有只係儲就有100萬, 因為想上了股票佔10萬, 真喺淨儲的話, 條數計唔岩, 呢點有保留.

講真, 認真便輸了, 上網既野都係得啖笑啫! 但反映出其實年青人就算$18000一個月, 其實要儲一舊錢, 唔比父母其實都唔多掂, 個案中, 女事主肯比$350, 即代表每個月請父母飲一餐茶! 其實, 可能已經比一大部分人好.

網上一眾攻擊的朋友, 細心想一下自己, 一黎事主只係25年歲, 25的時候你有冇120萬資產? 這個120萬資產, 代表了事主已經消除了父母對她生活上的擔憂 父母不用再為她的生活操心, 呢一個對父母來說, 可能比什麼都重要!又, 生活同娛樂費果$5000, 已包含了其食飯行街買衫, 又細想一下, 一個月當返20日工, 一日連食飯$250, 唔好以為好好用, 你走一轉中環去食個午飯, 計一計$250仲有幾多剩, 剩餘既才是佢每日的娛樂費, 仲未計入星期六/日點都要出下街,女仔又要買下化妝品保養. 你可以話這些唔係必需, 但想講係, 細心諗下自己, 係20-25歲既時候, 你正在做什麼?呢$350, 數字可能好細, 意義可來得重大.

(Btw, 高sir建議, 如果事主資產係真確無誤的話, 建議事主把活期100萬買入恒生(0011)或中銀(02388), 中國銀行(03988), 把每年的利息收取比埋父母, 咁就唔只請父母飲餐茶, 仲可以去個旅行啦!)