家嫂攻略糕GOGO第二集(每100克計至抵價)

家嫂攻略糕GOGO第二集(每100克計至抵價)

相關信用卡:

家嫂攻略糕GOGO第二集(每100克計至抵價)

發表日期: 2014 年 01 月 13 日 更新日期: 2014 年 01 月 13 日 飲食

作者:Lady C.

思前想後,前晚丹尼爾師兄鬧得我好啱,我出個表又唔計件糕嘅重量真係一個唔值得原諒嘅Blogger。為咗同大家深入分析邊件糕抵,我決定進入家嫂模式,向咁多位奶奶交待清楚……

家嫂精明眼(每100克折後至抵價)


家嫂攻略1) 榮華餅家年糕折後至抵



只要你中銀卡、交銀卡同上商卡就可以用平均$7買到100克嘅賀年糕點。當中超抵嘅係用上商卡買如意椰汁年糕,只需$6.5/100克!其次係$6.9/100克嘅中銀$15加簽帳積分推廣,想食平平蘿蔔糕就要靠佢!

家嫂攻略2) 蘿蔔糕食東海堂或聖安娜

普遍蘿蔔糕都係較貴,要成$12/100克左右。比較化算可以選擇東海堂(匯豐)同聖安娜(恒生)前者$8.8/100克後者$11.2/100克,係睇屋企人想要北海道元貝定係瑤柱就可以做決定。



家嫂攻略3) 平得嚟有霸氣首推東亞



又要平又要正仲要有霸氣,選擇食原隻鮑魚蘿蔔糕應該可以滿足哂三個願望!鴻星海鮮酒家(中銀)同九龍香格里拉大酒店(東亞)都有推出呢款糕,除開條數酒店勝酒家,差成$5/100克

家嫂攻略4) 滋潤美顏搵AEON

唔計榮華餅家,大部份女仕都啱食嘅燕窩XX糕(仲要係甜食),就數鴻福堂(AEON)嘅推廣好。燕窩楊枝甘露糕除開$12.9/100克,係屋企多女人嘅好選擇。噢!當然,如果唔介意俾多$7/100克,就可以去富豪酒店集團(星展)買,送多塊金箔添!



家嫂攻略5) 新奇刺激只需$9.9

屋企細路多,又敢挑戰新嘢,Lady C.推介聖安娜(恒生)同東海堂(匯豐)新推出嘅桂花紅荳軟心年糕、紫薯黑糖年糕。聖安娜件軟心糕係$9.9/100克,比一般正常年糕貴$1/100克左右。紫薯就貴啲,要$11.3/100克,不過就叫食正潮流,唔怕紫色似中毒可以一試。

最後,糕GOGO篇真係完啦,下次應該係搜集盤菜同其他賀年嘢嘅信用卡優惠。希望各位奶奶滿意(鞠躬)。