【婚宴場地2021】結婚必睇20個婚宴擺酒推薦場地 酒店/婚禮場地套餐比較

婚宴場地是婚禮重要一環，當然想於能負擔的結婚開支內選個最好地方讓家人朋友見證結婚重要一刻。本文嚴選香港20個婚宴場地，有酒店也有私人婚禮場地，無論戶外草地婚禮、海景婚禮或者童話式婚禮一應俱全，並比較各婚宴場地擺酒證婚婚宴套餐價錢與優惠。

酒店：半島酒店／四季酒店／港島香格里拉大酒店／香港瑰麗酒店／君悅酒店／美利酒店／JW萬豪／香港麗思卡爾頓酒店／馬哥孛羅香港酒店／皇家太平洋酒店／都會海逸酒店／歷山酒店

其他婚禮場地：Sky100／黃金海岸鄉村俱樂部／海洋公園／迪士尼／挪亞方舟／The Vow／The French Window／My Seasons - My Day

 

酒店婚宴場地

半島酒店 奢華之選

簡介：要講最奢華同有氣派嘅婚禮場地，半島酒店絕對係香港嘅頂尖之選。半島酒店共提供7個場地選擇，無論係10至50人嘅溫馨聚會，定係百人以上嘅豪華宴席，都能為你貼心安排。以小型證婚儀式為例，擁有私家陽台、以維港繁華景色為背景嘅「花園套房」就係非想理想嘅地點。不論選擇邊個場地，準新人都可享一對一婚禮顧問服務，直接與酒店行政糕點主廚、朱古力師傳、廚師團隊、首席侍酒師及花藝專家會面，讓每個細節更為稱心。

價錢：最低消費HK$500,000 

地址：香港九龍尖沙咀梳士巴利道22號

電話：2696 6615

網址：https://www.peninsula.com/zh/hong-kong/events/hotel-wedding-venues

 

四季酒店 典雅薈萃婚宴套餐 

簡介：為配合「輕婚禮」熱潮同防疫措施，四季酒店特別推出「典雅薈萃」12人小型婚禮套餐。新人可以係海景禮堂行禮及設宴，場地以維港做背景，簡單而不失優雅。到場賓客可獲贈四季酒店巧克力及免費泊車服務，什至有獨立房間供麻雀耍樂，就算規模細啲都一樣好得體。

價錢：最低消費HK$260,000

地址：香港中環金融街 8 號

電話：3196 833

網址：https://www.fourseasons.com/zh_hant/hongkong/weddings/wedding_packages/enchanting_affair/

 

港島香格里拉大酒店 戶外草地婚禮

簡介：想揾價錢比較相宜酒店場地，不妨考慮下港島香格里拉大酒店嘅package。港島香格里拉嘅30人戶外草坪花園婚禮最平只需HK$10,000。可以容納40至50人嘅空中花園婚禮同下午茶婚宴預算都係HK$70,000內，價格算係非常親民。宴會細節亦不馬夫，膳食由米芝連星級行政總廚團隊負責，酒店更會為戶外婚宴嘅新人準備後備場地，唔怕天氣因素而打亂婚禮。

價錢：

• 圓美囍宴婚宴計劃 HK$15,688 – 28,888/枱
• 午間中式婚宴計劃 HK$49,940（最低消費）
• 自助午餐婚宴計劃HK$37,500（最低消費）
• 空中花園婚禮計劃HK$70,000/40人
• 下午茶婚宴計劃 HK$36,500/50人
• 戶外草坪花園婚宴套餐HK$10,000起/30人

地址：香港中區法院道太古廣場

電話：2820 8517

網址：http://www.shangri-la.com/tc/hongkong/islandshangrila/weddings-celebrations/packages/

 

香港瑰麗酒店 無柱宴會大禮堂

簡介：位於尖沙咀海旁嘅玫麗酒店提供11個婚禮會場，包括延伸至花園草坪嘅無柱宴會大禮堂(Grand Ballroom)、獨具都會風格嘅麗府（The Pivallon）、府邸風格嘅私人套房麗雅閣 (THE Orangery)等，每個場地都貫徹酒店奢華風尚，並飽覽維港美景，讓你無論係選擇大小型婚禮，都不失貴氣大方。

價錢：請向婚宴策劃師查詢

地址：香港九龍尖沙咀梳士巴利道 18 號 Victoria Dockside 香港瑰麗酒店

電話：3891 8888

網址：https://www.rosewoodhotels.com/tc/hong-kong/weddings

 

君悅酒店 多款結婚套餐選擇

簡介：係五星級酒店擺酒，唔一定只可以揀高級酒席。君悅酒店提供共7款婚宴套餐，除左傳統宴會外，新人亦可選擇簡約精緻嘅結婚典禮套餐或婚宴午餐。結婚典禮最多可容納60人，以包括下午茶美點及2 小時無限供應飲品。至於婚宴午餐則有西式同中式選擇，新人更可額外購買糖果吧供在場賓客享用。

價錢：

• 中式午宴 HK$ 9,680起/席
• 西式午宴 HK$830 起/位
• 結婚典禮 HK$ 68,000/ 60人

地址：香港港灣道 1 號

電話：2588 1234

網址：https://www.hyatt.com/zh-HK/hotel/china/grand-hyatt-hong-kong/hkggh/special-events/weddings

 

美利酒店 浪漫歐陸風

簡介：美利酒店2021年特別推出兩款證婚套餐，分別係常規嘅「美利婚宴儀式套」同埋今年限定嘅「飛花漫舞婚禮套餐」，最多均可容納60人。其中「飛花漫舞」最大嘅賣點係可以喺極具歐陸風情嘅露天餐廳Cotton Tree Terrace或者喺宏偉拱廊The Arches下行禮，相當浪漫。雖然美利嘅package相對其他同水平酒店貴少少，但場地租用嘅時間靚啲同長啲，而且就算只係小型儀式，酒店都提供相對豐富嘅餐飲，例如婚宴儀式就包括冷熱盤各四款同甜品兩款，可以話係物有所值㗎。

價錢：

• 美利婚宴儀式套餐 HK$68,000/ 60人
• 「飛花漫舞」婚禮套餐 HK$73,000/ 60人
• 寵物婚宴派對套餐 HK$38,000/ 20人加寵物
• 美利西式婚宴套餐 : 西式晚宴 HK$1,400/ 位；自助晚餐HK$1,500/位
• 美利中式婚宴套餐 HK$229,320（最低消費）
• 美利午間婚宴套餐：中式午宴HK$10,288/枱；西式午宴HK$900/位；自助午餐HK$950/位

地址：香港港島金鐘紅棉路22號

電話：3141 8668

網址：https://www.niccolohotels.com/tc/niccolo/hotels/hongkong/central/the_murray_a_niccolo_hotel_hong_kong/weddings/index.html

 

JW萬豪 旋轉樓梯總統套房

簡介：想細搞溫馨小型婚禮嘅新人，JW Marriot嘅私密套房婚禮就啱晒你啦！酒店提供三個20人小型婚禮場地選擇，豐儉由人。每款套房均備有舒適嘅空間接待所有賓客，總統套房更有優雅嘅旋轉樓梯讓新娘進場，貴氣不輸一般會場。如果中意隨性自在嘅婚宴派對，不妨考慮Fish Bar或池畔酒廊舉行戶外婚禮儀式或雞尾酒會，享受城市中嘅綠洲美景。

價錢：

• 行政婚禮室租借套餐港幣10,000元起*
• 洋紫荊花套房租借套餐港幣13,888元起*
• 總統套房租借套餐港幣32,888元起*
• 戶外雞尾酒會 HK$68,000（最低消費）
• 中式午宴 HK$96,880（最低消費）
• 西式自助午餐 HK$808/位
• 中式晚宴 HK$229,320（最低消費）
• 西式晚宴 HK$1,168/位

地址：香港中環金鐘道88號太古廣場

電話：2841 3838

網址：https://brideandbreakfast.hk/zh-hant/jw-marriott-hotel-hong-kong/

 

香港麗思卡爾頓酒店 180度維港海景

簡介：有咩比喺180度維港海景及香港天際線嘅壯麗景色前許下誓言更難忘？位於西九龍臨海高層嘅Ritz Carlton絕對可以滿足到你。卡爾頓套房證婚套餐讓新人係空中套房舉行小婚禮，並提供二十人份量嘅小食同飲品，讓你與至親共渡溫馨時光。

價錢：請向婚宴策劃師查詢

地址：西九龍柯士甸道西1號環球貿易廣場

電話：2263 2380

網址：https://www.ritzcarlton.com/zh-cn/hotels/china/hong-kong/weddings/packages

 

馬哥孛羅香港酒店 地理超方便

簡介：位處䌓華嘅尖沙咀廣東道，連接海港城購物商場，對於重視地理位置嘅新人而言Marco Polo可謂首選。酒店嘅翡翠廳、蓮花廳及風水廳都係小型婚禮嘅理想場地，各可容納16席，配備最新視聽音響設備，令婚宴嘅視覺效果更臻完美。

價錢：請向婚宴策劃師查詢

地址：尖沙咀廣東道3號

電話：2118 7232

網址：https://www.marcopolohotels.com/tc/hotels/hongkong/kowloon/marco_polo_hongkong/weddings/index.html

 

皇家太平洋酒店 價格相宜

簡介：皇家太平洋酒店嘅婚禮套餐勝在格價相宜，適合婚禮預算唔高嘅準新人。酒店設有兩款戶外證婚典禮package，場地以維港美景作為序幕，新人可以喺優雅嘅絲花拱門下開啟人生新一章。證婚場地嘅空間亦相對寬敞，最多可容納100名賓客，新人可以靈活使用場地，舉行雞尾酒會、party等。要留意嘅係，證婚場地嘅租用時間只有兩小時（10am-12nn或4pm-6pm），新人喺安排儀式時記得留意時間啊。

價錢：

• 維港堤畔證婚 HK$16,888 - 33,888（連飲品吧及小食）
• 堤岸完美溫馨婚宴 HK$483 - 788/位
• 中式囍宴 HK$10,388 – 13,388/枱
• 西式囍宴 HK$628-898/位

地址：九龍尖沙咀廣東道 33 號中港城

電話：2736 1188

網址：https://www.sino-hotels.com/zh-hk/hk/the-royal-pacific-hotel-and-towers/wedding-and-celebrations

 

都會海逸酒店 空中花園大草地

簡介：都會海逸嘅露天海景花園係唔少新人嘅熱門行禮地點。位於酒店7樓嘅空中花園擁有綠油油嘅大草地，四周被尖東臨海景色包圍，仿如置身於鬧市中嘅綠洲。寬敞嘅證婚場地可容納100位親友，係藍天白雲下見證浪漫一刻。露天海景花園package已經包括無限量飲品吧及100套精美請帖，配合靚景相當抵諗！

價錢：

• 露天海景花園結婚典禮套餐 HK$38,888
• 露天海景花園結婚典禮及雞尾酒會套餐 HK$58,888
• 中式婚宴套餐 HK$ 8,788 - 12,788/枱
• 西式婚宴套餐 HK$658 – 958/位

地址：紅磡都會道7號

電話：3160 6888

網址：https://www.harbour-plaza.com/metropolis/tc/weddings/

 

歷山酒店 靚裝新酒店

簡介：位於熱鬧市中心嘅歷山酒店離港鐵炮台山站只有兩分鐘腳程，地理位置相當優越。酒店裝修華麗堂皇，相當有氣派。酒店設有可劃分為3個獨立場地嘅大型宴會廳，最多可容納46席，並連接寬闊敞亮的迎賓區。另有5間可容納40人嘅會議廳可作證婚、敬茶儀式或溫馨的小型婚宴，完全視乎新人嘅個人需求。

價錢：

• 證婚典禮套餐/ HK$42,888
• 證婚典禮連酒會/ HK$68,888

地址：香港北角城市花園道32號

電話：3893 2879

網址：https://www.hotelalexandrahk.com/tc/offers/2020-wedding-solemnization-package

 

其他私人婚禮場地

Sky100 高空婚禮

簡介：係高空上行禮，既莊嚴又夢幻。Sky100位於全港最高建築環球貿易廣場（ICC）100樓，將360度嘅香港城市美景收盡眼底，無論係日間證婚儀式定係黃昏雞尾酒會，都可以俾賓客頂尖嘅視覺享受。Sky100嘅場地達1.6萬平方尺，唔單止可以俾新人安排多元化嘅活動，萬一防疫措施收緊都可以有更多空間應對。

價錢：

• 2小時婚禮雞尾酒會/HK$98,000起
• 婚禮午宴/HK$ 160,000起
• 婚禮晚宴/HK$ 223,000起
• 一小時證婚服務/ HK$21,888起

地址：香港尖沙咀九龍柯士甸道西 1 號環球貿易廣場 100 樓

電話：2613 3833

網址：http://www.sky100weddings.com.hk/zh-hant/

 

黃金海岸鄉村俱樂部 海傍草地婚禮

簡介：唔少新人都會考慮喺戶外草地行禮，一來感覺較有活力，二來空氣流通更加安全。黃金海岸鄉村俱樂部．遊艇會提供綠茵草坪俾新人舉行婚禮，以豪華遊艇作為背景，簡單而不失華麗。俱樂部設有多種場地組合供新人選擇，豐儉由人。同一個宴會套餐配唔同嘅宴會廳價錢可以差幾倍㗎，㨂嘅時候記得睇清楚。

價錢：

• 證婚及雞尾酒會套餐/HK$ 48,00
• 花園廳西式婚宴午或晚宴套餐/HK$41,000起
• 宴會廳西式婚宴午或晚宴套餐/HK$90,000起
• 中式婚宴午宴套餐/HK$35,000起
• 中式婚宴晚宴套餐/HK$45,000起

地址：香港屯門青山公路青山灣段1號

電話：2404 3201/ 2404 3280

網址：https://www.gcycc.com.hk/

 

海洋公園 海洋生物見證

簡介：有冇諗過可以喺海豚同企鵝嘅見證下宣誓？冇錯，海洋公園都有婚宴套餐㗎！新人可以喺海洋奇觀水族館巨型觀賞屏或其他特色場地舉行證婚儀式，更可以喺全港唯一水族館餐廳「海龍王餐廳」、可欣賞企鵝家族嘅「冰極餐廳」、或充滿摩登中式風情嘅「熊貓薈」舉辦囍宴，非常適合熱愛小動物嘅新人。套餐已包括證婚律師樓同司儀，仲會送海洋公園日間入場門票俾賓客，成件事大方又特別。

價錢：

• 證婚儀式套餐/HK$ 49,888 
• 熊貓薈 / 嵐灣茶座（午間婚宴）：自助餐HK$728/位；西式套餐HK$728/位
• 海龍王餐廳 / 冰極餐廳（午間婚宴）：自助餐HK$828/位；西式套餐HK$828/位
• 熊貓薈（晚宴套餐）：自助餐或西式套餐HK$888/位； 中式晚宴 (每桌12人)/HK$9,888
• 海龍王餐廳（晚宴套餐）: 自助餐或西式套餐HK$1,128/位；中式晚宴 (每桌12人)/HK$13,288
• 另收10%服務費

地址：香港香港島南區黃竹坑黃竹坑道180號

電話：3923 2323

網址：https://www.oceanpark.com.hk/tc/plan-your-events/personal-celebrations/wedding-ceremonies

 

迪士尼 夢幻童話式婚禮

簡介：好多女仔都曾幻想過大個做公主，想係Big Day一㘣公主夢，迪士尼童話般嘅環境同氛圍無疑係最佳選擇。樂園度假區酒店為新人提供臨海草坪同3個戶外證婚場地，讓你係藍天白雲下宣讀誓詞。維多利亞式建築風格嘅宴會廳貴氣十足，充滿異國浪漫情調。寬敞嘅場地可容納108至612位賓客，視乎新人中意氣派萬千定温馨聚餐。宴會廳均以高樓底及無柱設計增添空間感，賓客視線無遮擋，令你嘅童話婚禮更為完美。

價錢：

• 證婚套餐/ HK$88,000
• 西式午宴 HK$1,388/位
• 西式晚宴 HK$1,488 – 1,888/位

地址：香港迪士尼樂園度假區

電話：3510 6868

網址：https://www.hongkongdisneyland.com/zh-hk/events/weddings/

 

挪亞方舟 戶外園林景

簡介：想擁有花園婚禮？挪亞方舟度假酒店就幫到你啦。挪亞方舟為新人提供多款特色戶外園林場地，無論係浪漫典雅，定係甜美童話風，都可一一滿足。庭園證婚儀式可容納50人，適合小型婚禮，場地更提供專車接載賓客往返青衣站同挪亞方舟。不過套餐並不包括律師同司儀，新人可以加錢購買律師證婚服務。

價錢：

• 戶外證婚儀式：方舟奇園/HK$8,888；意中園/HK$13,888
• 中式婚宴HK$6,880/席 起
• 西式婚宴HK$588/位 起

地址：香港新界馬灣珀欣路33號

電話：3411 8800

網址：https://www.noahsarkhotel.com.hk/hk/wedding/index.html

 

The Vow 淺水灣海邊結婚

簡介：婚禮唔一定要大排筵席，簡約小清新風格近年越來越受年輕人青睞，位於淺水灣嘅The Vow就係其中一個熱門嘅輕婚禮選擇。The Vow係淺水灣傍嘅戶外婚禮場地，同沙灘只有一步之距，坐擁180º零死角海景，日落時分無遮擋嘅Magic Hour美景更係無價。新人同賓客更可帶同寵物進場，讓毛孩見證人生重要時刻。場地可容納200人，提供西式雞尾酒會或西式自助式宴會，簡單而隆重。

價錢：HK$80,000起

地址：香港淺水灣海灘道28號the pulse商場西翼天台

電話：6159 5680

網址：https://www.thevow.com.hk/

 

The French Window 法式小型婚宴

簡介：美麗華Mira Dining旗下嘅The French Window為新人提供精緻嘅法式小型婚宴。坐落中環IFC臨海低層，場內可瞭望維港美景及中環摩天輪，享受都市氛圍。場地寬敞具空間感，最多可容納180人，俾新人更大嘅靈活度舉辦雞尾酒會、自助餐等不同嘅宴會。

價錢：HK$20,000起

地址：香港中環國際金融中心商場3樓3101號舖

電話：2315 5437 / 2315 5632

網址：https://www.miradining.com/zh-hant/french-window-wedding/

 

My Seasons - My Day 夢幻公主風婚禮

簡介：想搞一個夢幻公主風婚禮，唔一定要去主題樂園嘅，市區一樣有好好嘅選擇。My Day係My Seasons四季薈旗下其中一個特色婚宴場地，位於尖沙咀美麗華商場，非常方便。清新翠綠主題色嘅宴會廳襯托落地扭紋窗花，自然光非常充足。配合戶外證婚空中花園，仿如進入法式童話世界。場地獨佔全層，最多可容納160人或18席，新人同賓客可以享受高私隱度嘅宴婚派對。

價錢：HK$98,888起

地址：香港尖沙咀彌敦道132號美麗華廣場一期6樓

電話：2813 4988

網址：https://myseasons.com.hk/my-day/

 

婚宴 推薦信用卡

 

HongKongCard推薦私人貸款

想搞婚宴搞得好好睇睇，但budget唔夠？可以考慮以下私人貸款：

HongKongCard獨家私人貸款優惠

有周轉需要？唔好等，即刻用HongKongCard私人貸款計算機，輸入心儀貸款額同埋還款期，即時選出最適合自己嘅私人貸款，仲有超級豐富HongKongCard獨家私人貸款優惠送畀你！全程網上申請，無須露面！

HongKongCard私人貸款