姆明粉絲要注意喇!事關姆明is coming to town!由7月29日至8月28日喺荃灣Citywalk荃新天地會設有姆明期間限定店,會有多款喺香港首次正式發售嘅官方產品。我就同大家去到荃灣,直擊佢間pop up store有咩賣有咩吸睛位啦!
今次嘅姆明pop up store喺荃新天地一期嘅中庭位置,攤檔以故事入面姆明屋作為藍本,以紅色作為屋頂,而入面就放滿精品。一去到就會見到有一大隻姆明揸住筆咁等緊你,隻姆明成個人咁高,真係打卡呃like嘅好位置!會場入面喺2邊入口分別都有一隻,等一陣好快就有得影。
我哋去睇吓入面有咩賣啦!初頭以為淨係得公仔,原來只係幻覺,入面有好多唔同嘅嘢賣㗎!
實用篇:
▲A5 筆記簿 $30
▲A5 筆記簿 $35
▲Pop-up store有唔少旅行用品賣,有行李牌亦有行李帶。
行李掛牌 $108
▲不必驚訝,真係有好多煮食用具賣。我都有啲心郁郁想買個姆明模返去整蛋糕。啲餐具靚到睇住食嘢都開心啲。
▲姆明水樽 $150
▲唔只用具,連食得嘅都有!
姆明卡通人物造型通心粉 $50
袋子篇:
▲除咗文具書簿,仲有好多細袋仔賣,啱晒好多濕碎嘢要裝嘅女仔。
藍色尼龍小袋子 $140
▲藍色小袋子 $220
▲黃色背囊 $290
興趣擺設篇:
▲手指玩偶 $20
▲砌圖 $270
▲點少得毛公仔!嗰度有大大小小嘅姆明毛公仔,呢隻好似ipad咁上下高嘅就$220。
▲另外仲有各個人物嘅陶瓷或木公仔,價錢由$200-$900不等,想屋企多啲擺設嘅不妨考慮吓喎!
現場仲有好多貨品冇入到鏡㗎!連家居用品例如地毯都有啊!大家記住去睇吓喇!
8月9日仲係「姆明日」,喺「姆明日」當天仲會發售「姆明日」限量商品,包括隨行杯、T恤、小手巾等,身為姆明fans嘅你一定會帶到新成員返屋企!喺「姆明日」仲會有姆明抱抱會、姆明日問答會,仲會送出限量嘅「姆明日」精品。
唔好搞錯以為「姆明日」係姆明生日呀!其實8月9日係姆明作者杜芙顏生(Tove Jansson)嘅誕辰。杜芙顏生出生於芬蘭藝術世家,13歲時已獲雜誌刊載她嘅作品。喺1945至1970年期間,佢發佈咗9部姆明系列小說,更喺1966年獲得兒童文學界嘅最高榮譽「國際安徒生文學獎」,係芬蘭「國寶級」作家。因此官方定下每年8月9日為「姆明日」,透過一連串慶祝活動延續fans對姆明嘅熱愛。
現場除咗有嘢賣,仲有唔同嘅展板介紹姆明唔同嘅角色,亦都有介紹世界各地以姆明為主題嘅地方啊!
▲介紹姆明咁多年來嘅發展,仲可以重溫姆明動畫《小肥肥一族》嘅經典情節!
▲角色簡介,想了解多啲角色嘅人可以去睇啊!
▲仲有介紹番世界各地以姆明為主題嘅地方,好似位於芬蘭嘅姆明村同埋日本嘅姆明主題公園。
Moomin’s Pop-Up Store @ Citywalk
日期︰2016年7月29日-8月28日
時間︰12:00NN-9:00PM(星期一至五)
12:00NN-10:00PM (星期六及日)
地點︰Citywalk荃新天地1期中庭
Moomin’s Day 慶祝活動
日期︰2016年8月9日 (星期二)
時間︰2:45PM-3:15PM
地點︰Citywalk荃新天地1期中庭
內容︰姆明抱抱會、姆明日問答活動,送出「姆明日」限量精品
姆明限定商店接受現金及信用卡付款。由即日起至2016年8月31日,由登記日起計,憑恒生信用卡簽賬滿指定金額可享夏日激賞,激賺高達$1,100 Cash Dollars!任何日子於本地零售商戶單一簽賬滿HKD600,交易次數每達3次,可享額外$30 Cash Dollars,最多可獲額外$300 Cash Dollars!
信用卡優惠詳情可以去〈呢度〉睇番。