如果你同我同年代一定會對佢地有共鳴(上)

如果你同我同年代一定會對佢地有共鳴(上)

相關信用卡:

如果你同我同年代一定會對佢地有共鳴(上)

發表日期: 2016 年 02 月 26 日 更新日期: 2016 年 02 月 26 日 生活

作者:GiGi Li



大家好,我係HongKongCard.com新嘅編輯GiGi GiGi Baby Baby Baby。見到個包包面嘅女仔就係我喇,由細到大我都會同啲圓嘅卡通掛鉤,其實我都想走下唯美路線…..



小女子嘅芳齡就不便話你知住,不過如果你對以下講嘅野有共鳴,即係你嘅背景同年齡應該都同G一樣咁「青春」!

1.    新之城冷面


呢啲撈撈冷麵絕對係學生時期嘅恩物,$10/4包咁確實抵到爛,想食飽又得,口痕食佢亦得。最緊要係以前好似有無窮無盡嘅體力,食野係唔洗坐係度食架,梗係攞住包面一路食一路行旺中架啦!

1.   每日一篇


真係唔知依家啲小朋友仲洗唔洗做「每日一篇」,嗰陣真係晚晚都要做,重要一做就做第六級,等累積字數多啲,為左就係登入「龍虎榜」第一位,返學就可以威威子喇!我個陣就好懶好少真係自己睇,等大概九點十點就打電話問同學答案,身邊總有一兩個真係好乖睇曬篇文嘅人嘅。

3.   奇幻潮


奇幻潮呢個世界級詭異節目,細個真係又要睇又要帶頭盔,睇完成晚都心寒到訓唔到,但係依家諗番起套野其事幾人性化。我都依家都仲記得一同歸西,打牌嗰陣見到幾隻西都會個心震一震。你地最深刻又係邊集啊?

4.  Neopet尼奧寵物


女生必玩嘅Online平台,日日都係個度流連2-3個鐘,我仲記得我嗰陣養左隻卡奇。一 開始一定要衝去神秘島玩湯博拉大抽獎,再去做任務,如果得到稀有物品就超開心。每隔唔記得幾多個鐘就要去刺激大轉輪,再瘋狂玩遊戲例如海西蹺蹺板,對於以前無咩咁先進嘅遊戲,呢啲虛擬世界真係好好玩,令到好多人沈迷,返學都要同同學討論下啲攻略,電腦堂嗰陣就要偷偷地上去抽獎。其實我每過一陣都好像玩翻,但依家太多online,手機game,唔似得以前大家都係玩嗰幾個網,無左嗰種大家討論嘅感覺。

5.    MSN





以前無whatsapp,無fb messenger, 一返到屋企就要即刻on MSN。嗰陣係MSN萌芽左唔小puppy love,見到對方上線,聽到‘登登登’,再對方傳來震動,真係做緊咩都撲過部電腦度啊。應該好多人嘅速成倉頡都係由MSN培養出黎嘅,噢賣吉,禾滴青蔥歲月去左冰度呀?



6.  Xanga







係Xanga世代,人人都係blogger,打xanga仲勤力過作文堂,xanga變成自己嘅小天地,上至聽日考試,下至幾點比蚊咬都要打上xanga。嗰陣大家都會自動自覺研究html code, 又識整Gif,真係萬能。大家嗰陣係咪同我一樣MK,整過啲閃閃火星文GIF呢?其實依家諗返起都覺得自己幾神。

1)
2)[,,,.//我’艾梨..-[[]


見到呢啲火星文,唔知有無勾起大家青春嘅回憶呢?