好易畀儲Avios里數 $0.035有一里

好易畀儲Avios里數 $0.035有一里

相關信用卡:

好易畀儲Avios里數 $0.035有一里

發表日期: 2017 年 02 月 09 日 更新日期: 2017 年 02 月 09 日 Avios 信用卡生活教學

作者:卡小姐

有冇諗過增值八達通可以換到機票?依家用八達通旗下好易畀(O!ePay)可以儲埋Avios里數!
今次同大家分享下點先可以喺一年用$1950換到55,800里,即係$0.035有一里啦!

其實Avios同「亞洲萬里通」一樣係獎勵計劃,但Avios就係屬於英國航空,可以用嚟搭英國航空同oneworld(寰宇一家)合作伙伴航空公司,例如國泰、日本航空、芬蘭航空等等。平時搭飛機、住酒店、買嘢都可以儲到Avios里數。


O!ePay Pro無全年交易限額
好易畀分為Lite、Plus同Pro玩法,當中只有Pro無全年交易限額,今次就同大家分享下Pro點玩先。要用到好易畀Pro,首先你需要有渣打銀行帳戶,之後用信用卡每日幫3張八達通自動增值一共$1250,你就可以一年用$1950換到55,800里,即係$0.035有一里。

不過事先聲明,你要賺到盡嘅話,最多都只可以用3張登記咗自動增值嘅八達通卡,事關八達通規定每個人只可以用自己名申請3張八達通卡做自動增值!如果3張八達通都係同一個持卡人,就需要3張唔同銀行嘅信用卡。

好易畀儲Avios里數三步曲
1.NFC手機安裝好易畀(O!ePay)App
2.在App中拍八達通卡轉錢入好易畀帳戶,令八達通自動增值
3.好易畀賬戶轉賬去銀行戶口

舉例說明:
1.先將3張八達通各綁定一張信用卡,例如以大新BA卡、Citi Prestige信用卡、匯豐卓越理財信用卡去增值
2.大新BA卡$6=1avios,Citi Prestige信用卡$6=1avios,匯豐卓越理財信用卡$250=1獎賞錢=15avios
3.大新BA卡每日增值上限$500,Citi Prestige卡增值上限$250,匯豐卓越理財信用卡增值上限$500
4.每日一共增值上限$1250,大新BA卡有83.33里,Citi Prestige信用卡有41.67里,匯豐卓越理財信用卡有30里
5.如是者,每個月增值30次,一共就用咗$1250 x 30 = $37,500。大新BA卡有2500里,Citi Prestige信用卡有1250里,匯豐卓越理財信用卡有900里
6.日日密密做,做足12個月,一年就會有總共55,800里
7.因為每個月超過$5000就要俾0.5%好易畀手續費,扣除咗頭$5000 ($37,500 - $5000 =$32,500),手續費係$32,500 x 0.5%=$162.5,一年就係$162.5 x 12個月=$1950
8.用$1950換到55,800里,即係$0.035一里。

溫馨提示:
1.每張信用卡只能為一張八達通自動增值,唔可以一張卡同時為三張八達通自動增值
2.過程唔需要自動增值好易畀(oepay)
3.Pro嘅結餘上限係$10,000,所以記得定時將錢轉入銀行戶口
4.Pro只能夠同渣打銀行存款戶口之間互相轉賬
5.iPhone用家要另外買專用讀卡器先用到電話NFC
6.匯豐卡換里數要$300手續費

App Store下載 (iPhone八達通卡轉錢需要另購讀寫器)
Goolge Play下載