太古Glam Beautique個人護理用品大曬冷！

太古康怡間AEON啱啱裝修完，入面真係多咗好多嘢行！上一次講完有咩化妝品護膚品，其實又點只咁少嘢賣！今次繼續帶大家睇吓有咩個人護理用品好買㗎！想知就要睇落去喇！

位於1樓嘅Glam Beautique，除咗有美妝品之外，你講得出嘅個人護理用品都有！洗頭水、淋浴露，去到衞生巾男士護理風筒都有，我就精選咗以下嘅注目items喇！

首先講吓口腔護理先！呢度都有幾款日本牙膏選擇，可能都受各位愛戴嘅關係，我見有啲貨架係清空咗。講日本牙膏，當然唔少得大熱嘅Ora2。Ora2牙膏嘅功能係淨白牙齒、預防蛀牙、預防煙垢及口臭，佢透過2種唔同大小嘅矽分子(silicon)去清潔牙齒表面嘅污垢，亦配合isopropyl methylphenol去殺菌預防口臭。佢嘅口味亦都好吸引吓，除咗有常見嘅薄荷味，仲有蜜桃薄荷口味同埋蘋果玫瑰薄荷口味。

另一款就係獅王Dentor，佢有zeolite(ゼオライト)顆粒同埋Aluminium oxide(酸化Al)去清潔牙齒表面同埋之間嘅污垢。2隻物質都係顆粒狀，可以幫手磨走污垢。佢嘅味道都係薄荷為主，AEON呢度就有2隻味，分別有薄荷味以及超涼味選擇。

口腔護理推介仲有呢個口腔清新劑，細細支方便携帶拎出街，食完啲重口味嘢噴一噴就唔怕有口氣啦！好似食完啲薑蓉呀蒜呀咁，陣味好難沖得走，開口又怕臭親人，噴一噴就唔怕啦。呢個噴霧有薄荷(l-menthol)幫助去除口氣，亦配合木糖醇(Xylitol)做甜味劑，因為木糖醇唔能夠被細菌分解，有甜味得來同時亦唔怕蛀牙。呢度有2隻口味，分別係清涼同埋超激爽。

去到身體嘅部份，呢度有好多款身體磨砂減肥膏揀喔！有生薑有辣椒揀。作為一個肉肉女，都想知其實呢啲辣椒膏有冇效，所以就去搵吓資料。發現原來有研究做過落老鼠度，個結果話將辣椒素(capsaicin)外用於過胖嘅老鼠身上，可以限制脂肪喺脂肪組織積聚*。不過做喺人身上嘅結果似乎仲需要多啲研究去支持，而且通常都係做喺口服嘅情況，外用嘅情況真係真係比較少見。話就話用於減肥嘅成效冇咩根據，不過用完辣椒膏個人真係鬆啲舒服啲嘅。
* Lee, G., Shin, M. K., Yoon, D., Kim, A., Yu, R., Park, N., & Han, I. (2013). Topical application of capsaicin reduces visceral adipose fat by affecting adipokine levels in high-fat diet-induced obese mice. Obesity, 21(1), 115-122. doi:10.1002/oby.20246 

呢隻按摩啫喱蘊含辣椒精華、生薑同埋海鹽，可以產生溫熱嘅效果。呢支啫喱係喺沖涼嘅時候用，要沖洗㗎！

而隔離左邊呢一隻就配合咗黑生薑、唐辛子同埋大小天然海鹽，亦加入蜂蜜等保濕成份，喺按摩磨砂時順便可以滋潤肌膚。記住呢個都要沖㗎！

呢盒紙巾望落去係一盒普通嘅紙巾，不過其實佢含有保濕嘅元素。佢有雙重嘅保濕效果，即係有甘油保濕同埋有山梨糖醇保持濕潤，最適合因為鼻敏感、傷風嗰時用，預防因為係咁抹鼻抹到鼻頭好乾紅晒。

提起日本個人護理用品，女仔一定會諗起衛生巾，成日都聽人講話日本嘅衛生巾特別好用，呢度都有好多選擇，你睇吓成個架都係呀！衞生巾呢啲真係睇個人口味同喜好。

除咗有衞生巾，仲有護墊，但要係日本貨就冇咩選擇喇！

另外如果男士陪女朋友來都唔使怕會等到天荒地老，事關呢度一樣有你地男士啱用嘅產品！首先要講嘅係呢個大熱天時好啱用嘅冰涼濕紙巾，有分開面部用同埋身體用2隻。當夏天喺街行到出晒汗濕晒，就可以用呢個有薄荷嘅濕紙巾抹一抹，個身乾爽番又冇汗味，值得考慮入手啊！

另外唔少男士時不時都會受到暗瘡問題困擾，我喺呢度就發現咗隻有暗瘡藥成份嘅遮暇膏，等大家可以時時刻刻都維持住個靚仔樣！佢嘅有效成份係氧化鋅(Zinc oxide)以及甘草次酸(Glycyrrhetinic acid)，都有消炎嘅效果。

其實仲有一個架嘅男士護膚品，有興趣嘅男士記得去睇吓喇！

最後同大家總結吓啲價錢：

以上價錢以匯率1日元兌0.0743803 港元計算。

依家申請AEON信用卡，就即刻送$200 AEON購物券，而且每月2號及20號，於AEON簽賬購物可獲95折 (美食廣場、特許經營商戶及部份指定貨品除外)。憑卡簽賬每HK$1，可得1分，憑累積積分隨時可免費或以超優惠價換取現金券或精美禮品。 依家喺康怡AEON 2樓入口做緊宣傳，可以即場申請㗎。