大阪17年頭 最新最Hit十大藥妝

大阪17年頭 最新最Hit十大藥妝

相關信用卡:

大阪17年頭 最新最Hit十大藥妝

發表日期: 2017 年 01 月 06 日 更新日期: 2017 年 01 月 06 日 購物

作者:Salad Ho 沙律

去日本藥妝店瘋買藥妝係好多人去日本嘅指定動作,皆因每個月都會有好多新奇產品!雖然有唔少貨品香港已經引入咗,不過最新嘅產品香港就未必有又或者貴好多喇。今次要介紹係難波嘅松本清,比較過激安、大國藥妝、パワードラツグクンズ後,發覺松本清嘅貨品最新、最齊、最多!而家望望有咩店員推介最新藥妝啦。

1.LuLuLun Plus面膜 5片(連稅810yen)

日本超人氣品牌LuLuLun推出全新系列:LuLuLun Plus Weekly Face Mask。總共有十種面膜:玫瑰、鼠尾草、薰衣草、檸檬草、柚子、海藻精華萃取物、紫玄米、蜂蜜、沖繩櫻桃同瑞士向日葵。


最受歡迎就係玫瑰面膜,內含保加利亞大馬士革玫瑰精華、有豐富維他命C嘅玫瑰果同當歸提取物,高度保濕,即時係面上形成鎖水保護膜,加上玫瑰香味,絕對係雙重享受。人氣雜誌LARME 御用Model黒瀧まりあ都大力推薦呢。

(IG:maria_addict)


2.Creer Beaute 凡爾賽面膜 1片(連稅380yen)


有BlingBling大眼漫畫人物加持,令Creer Beaute系列面膜非常吸晴,靚得嚟唔只得個樣㗎,佢拎過COSME大賞!面膜有滿滿27ml美容液,3層結構面膜紙不含防腐劑。紅色呢款最多人買,可以幫你深層補水保濕,當中蘊含黃金成份,滋潤力大大提高。另含石榴花提取物、山茶花提取物等數類植物提取物,仲有透明質酸,能為肌膚註入充沛水份。

其他2種面膜功效:



金色:Creer Beaute凡爾賽 玫瑰金潤透亮彈力保濕面膜 (保濕彈力嫩膚)


銀色:Creer Beaute爾賽玫瑰 奧斯卡深層珍珠美白保濕面膜(保濕美白亮膚)

3.Country & Stream 蜜糖眼部精華滾珠 (連稅1000yen)

Country & Stream提倡天然健康美肌,以研發健康天然成份嘅美妝為目標。只要每日早晚於下眼瞼處輕輕左右推動按摩筆就可以滋潤眼周肌膚,令雙眼更加有神。精華滾珠有美容精華液同埋按摩功能,可舒緩眼睛壓力,好適合成日望電腦同電話螢幕嘅現代人。

冰鎮不繡鋼按摩滾珠設計可以帶嚟清涼感;含有蜂蜜、蜂王漿、洋甘菊花、小球藻、石榴果等精萃,可滋潤眼周肌膚、抗衰老同緊緻肌膚。

4.ETTUSAIS X DISNEY限定米奇cc蜜粉  (連稅2300yen)

ETTUSAIS同DISNEY最新crossover產品!一見到見到個盒有米奇/米妮咁靚已經好想據為己有喇。呢個CC蜜粉可以校正膚色效果,添加咗「角質層透明粉末」、「粉紅校正粉末」同「光澤滑潤粉末」,令肌膚表面自然散發出淡淡嘅粉紅色光芒。令肌膚發放出好氣色,調整暗沉同膚色不均,而當中添加嘅精華液同埋胺基酸系粉末可令肌膚維持水潤。

白色米奇款:BE色,針對泛紅、膚色不均肌膚,利用光線反射散發出自然透明感,令膚色無瑕透亮。

粉紅色米妮款:PK色,適合泛黃肌膚,可修飾暗沉,淡淡粉紅光澤令肌膚看起來粉嫩紅潤。

5.ETTUSAIS X DISNEY限定小熊維尼潤唇精華系列

Ettusais每年冬天都會推出限量包裝嘅護唇膏,今次就同小熊維尼crossover,推出潤唇精華系列!呢個潤色版嘅護唇精華系列非常保濕同滋潤,添加高純度蜂蜜同蜂王漿萃取物。而且可以長時隔離紫外線SPF18 PA++,加上帶有自然紅潤色澤,令你喺乾燥嘅冬季都可以擁有粉嫩雙唇。


小熊維尼保濕潤色潤唇膏 (連稅1100yen)

小熊維尼保濕潤色潤唇精華 (連稅1296yen)

6.Hello Kitty馬油滋潤Handcream(連稅778yen)


日本熱銷500萬樽!雖然話就話係Handcream,但可以全身用,搽面都OK。保濕之餘仲有強大滲透力,搽完之後可以迅速滲透肌膚,滋潤清爽,緩和緊繃、細紋等因水分流失造成嘅現象。加上有可愛嘅Hello Kitty嘅加持,用起上嚟更加Sweet,呢樽Handcream抵用加上唔貴,送禮自用都唔失禮。

7.Kanebo 2017年限定天使蜜粉(連稅9072yen)

Kanebo一年只推出一次嘅夢幻限定品,到依家已經連續8年取得日本蜜粉類別銷售第一名,仲喺@cosme認證中拎到殿堂級大賞。今年嘅天使蜜粉以「いやりの天使」嘅溫暖面貌登場,期望每個女仔都可以做個令人感到溫暖嘅氣質女。


限定蜜粉餅特別加入咗牡丹同蜂王漿萃取,持續保濕。細致粉質仲可以修飾膚色同瑕疵。呢件係每年都會熱賣斷貨嘅大熱商品,見到千奇唔好錯過呀。

8.My Melody x Heavy Rotation限定染眉系列

限定嘅Melody包裝好可愛,買包裝都抵啦。Heavy Rotation染眉膏由2014年開始連續3年拎到COSME大賞!眉筆、染眉膏可配合淺色髮色去修飾眉毛顏色,防水、耐汗、抗摩擦等多重防護,可完整包覆眉毛!當中仲添加咗維他命B5,令眉毛具有光澤而且強韌有彈性。

My Melody x Heavy Rotation限定染眉膏(連稅864yen)


My Melody x Heavy Rotation限定染眉筆(連稅972yen)

9.maquillage絕色水漾持久染唇膏(連稅2160yen)


maquillage唇膏出名好用!今季染唇膏香港專櫃價錢$220,日本就賣2160yen,約港幣$147,大嗱嗱平咗$73,非買不可!呢支染色唇膏有水漾基底配方,可以輕染自然紅潤感,染唇之餘仲可以滋潤雙唇。見到有水原希子代言,即刻忍唔住放入購物籃啦。

10.integrate柔焦輕透美肌粉餅(粉餅連稅1300yen/粉盒連稅400yen)


呢隻柔焦輕透美肌粉餅賣點係唔厚妝!遮瑕毛孔、斑點同時,可以令你展現素顏一樣嘅肌膚。另外佢無添加防腐劑、無香料、添加預防肌膚乾荒的礦物粉末、配方不易致痘,可以放心使用。我用過嚟補妝,果然透薄而且又有遮瑕度,私心推介!


松本清難波店:

1.心齋橋南店
地址:〒542-0085 大阪市中央区心斋桥筋2-5-5
電話:06-6212-5355
時間:9:00~22:30

2.道頓堀法善寺店
地址:大阪府大阪市中央区道顿堀1丁目7番5号
電話:06-6484-0030
時間:10:00~22:30

網址:http://www.matsukiyo.co.jp


於2017年4月30日前成功申請DBS Black World MasterCard,即享豁免首年年費及可享精彩迎新優惠!新客戶可享本地零售簽賬12X DBS$(即HK$1 = 1里數),而海外簽賬3X DBS$ HK$250 =DBS$3(即HK$4 = 1里數),去日本碌卡買藥妝就可以順便賺里數,隨時賺埋下張日本機票啦!

另外DBS Black World MasterCard持卡人可以用最抵價兌換機票及酒店,登入於iGO Rewards,於網站兌換機票及酒店住宿,可以尊享55折換領優惠,比其他DBS萬事達卡持卡人節省更多DBS$。例子:如機票原價是DBS$1,000,DBS Black World MasterCard 持卡人只需以DBS$550 即可換領。想了解詳細請去呢度啦。