大閘蟹.放題之旅

大閘蟹.放題之旅

相關信用卡:

大閘蟹.放題之旅

發表日期: 2016 年 10 月 26 日 更新日期: 2016 年 10 月 26 日 飲食

作者:Stella Yeung


又到食大閘蟹嘅季節啦,近年有好多唔同嘅大閘蟹放題,酒店又有、大排檔又有!今次我就選咗一開大排檔嘅大閘蟹放題,親自同大家試味!哈哈

今次我就選咗九龍灣嘅蘇記大閘蟹放題,大家應該對蘇記都唔陌生㗎啦,因為佢地之前做過$98任食放題,雖然只係頭30位係$98,但已經吸引到好多人去食啦!不過依家$98優惠已經完咗,但仲有另外一個優惠喎,九龍灣分店(星期一至日)4位送1位,荃灣分店 (星期日至三)5位送1位,但優惠要訂位先會有㗎,所以大家食之前訂咗位先咁就有優惠啦!唔好講咁多睇下抵唔抵食先!


▲除咗任食大閘蟹之外,仲可以任點打邊爐㗎!


▲最後我擇咗3-4両嘅放題,其實嚟蟹都唔細㗎!


▲最後我擇咗花膠魚肚大閘蟹湯底,真係有整隻大閘蟹喎!而花膠同魚肚都好足料,一啲都差㗎個湯底!


▲打邊爐食物就係好似—般酒家或大排檔差唔多啦,雖然選擇唔多但食物料數都唔差,肥牛都幾好味㗎!


▲雖然選擇唔多,但最基本打邊爐必食嘅材料都有齊!可以一邊食大閘蟹一邊打邊爐,正呀!


▲重點就係大閘蟹啦!雖然3-4両嘅大閘口唔算好大隻,得蟹膏好多幾鮮甜!

最後未到90分鐘食咗9隻大閘蟹,因為已經太飽食唔落啦!如果$238除返9,平均$26.4一隻!其實都幾抵㗎,又有足料湯底,又有得打任打邊爐,而且佢都每次位人只會上2隻蟹但上蟹嘅速度都幾快!所以大家想食大閘蟹又想食得抵又可以打邊爐,可以約埋一大班朋友去食都幾開心㗎!

蘇記大閘蟹最新優惠
優惠時間:
九龍灣(星期一至日)4位送1位
荃灣 (星期日至三)5位送1位

優惠條款:
*此優惠必須預先訂坐
*客人訂坐時我們同事會給予客人優惠編號
*拿位時客人必須提供訂坐時的優惠編號才可 
使用此優惠

荃灣、九龍灣兩店同步推出

蘇記大閘蟹

荃灣店地址︰荃灣二陂坊13號

九龍灣店地址︰九龍灣啟業邨啟業街2號熟食亭

3-4兩大閘蟹加火鍋放題︰

$238/成人、$128/小童(10:00pm前入座)、$198/成人、$118/小童(10:00pm後入座)

4-5兩大閘蟹加火鍋放題︰

$328/成人、$288/小童(10:00pm前入座)、$298/成人、$258/小童(10:00pm後入座)

放題限時︰入座計90分鐘