大棠紅葉與冰雪
更新日期: 2014 年 10 月 03 日
講起睇紅葉，好多人會諗起去日本、韓國、甚至台灣，其實香港都有得睇，而最多人去應該係元朗大棠。11月紅葉開始出現，到12月尾就啱時候去睇。雖然唔及外國咁成個山頭都係紅色，但近近地唔使出國，搵個星期六、日當係去郊遊都OK嘅。
今年去大棠除咗睇紅葉，由而家至出年1月4號仲可以睇埋哈爾濱冰雪節，喺攝氏零下10度嘅室內冰雪館入面有各種冰雕，例如動物、旋轉木馬、咖啡杯、南瓜車，仲有冰滑梯，唔使去哈爾濱都有得玩。另外喺戶外亦有充氣遊樂設施、攤位遊戲、反斗交通城、同埋各類表演，唔止冰雪咁簡單。
冰雪館入面得攝氏-10度，雖然大會有雪褸提供，不過都係帶多件衫穩陣。
冰滑梯分大人細路兩條，大人嗰條有13米長。
入場券$60 (包冰雪館入場費)，其他設施按次收費，亦有$240套票可以扣錢。有興趣去玩下，可以去OK便利店用匯豐卡做Mobile Payments買入場券，有額外3X「獎賞錢」，如果係網上買飛，就可以用網上購物有3% i-Dollar回贈嘅東亞i-Titanium卡。