大專院校電腦優惠2014 (二)－香港浸會大學

每年各大專院校嘅電腦優惠，可以俾學生、舊生、教職員用優惠價買筆記簿型電腦、平板電腦、周邊配件同軟件。之前理大公佈咗今年嘅學界優惠，香港浸會大學亦都出咗買電腦優惠資料。

浸大上年有Apple、Fujitsu同Lenovo，今年淨係得Apple，牌子同機款冇乜選擇，唔知係咪Offer未出齊？如果稍後有其他Offer，我會再Update返。今年網上訂購由8月18號開始，至到9月27號。基本上浸大嘅價錢同理大一樣，同Apple教育商店比，買MacBook送$800禮品卡，iPad送$400禮品卡。扣除禮品卡之後，兩邊價錢都係差不多，睇下你想多張Coupon買下其他Apple產品，還是直接減多啲機價。


循例都要提一提，中銀做緊本地消費一張單$500以上，累積簽滿$10,000回$400；建行(亞洲)簽滿$4,500有3X積分，之後每簽$100就有 939分，簽到$12,400就有88,500分。經網上買機可以用中銀i-card，網上零售交易有10倍積分。渣打網上簽賬滿$5,000或以上有3%現金回贈，每月最盡回$150。

【8月11號更新】浸大除咗Apple，仲有Fujitsu，不過佢係由另一間公司提供。Roadshow分三段時間，8月25至30號、9月22至27號 (九龍塘校園)，9月15至19號 (石門校園)。型號方面最平由$3,398起，要平價要效能要輕巧都有得揀，當中Lifebook S系列、E系列、有Touch screen嘅T系列同Stylistic Q平板電腦都係日本製造，應該會耐用啲啩？全線減價後加多$300，保養就延長一年去到四年，足夠保到畢業。