之前試過喺Asia Miles夥伴餐廳食飯賺到里數,而且入帳時間都幾快手。如果用「亞洲萬里通」夥伴銀行嘅信用卡埋單,再可以賺多一重里數。而家喺每月 11 號消費滿 $300,每$1 就可賺到1里數,其他日子就每2港元賺1里數。 聽講近排Aisa Miles同幾間夥伴餐廳推出咗新優惠,餐廳包括峰景餐廳及Watermark、金滿庭京川滬菜館同foodpanda。個人對foodpanda最有興趣,因為佢外賣服務遍及40個國家,合作餐廳都有聲有色。落雨唔想出街lunch都可以嗌定外賣先,啱晒各位懶人。
1.峰景餐廳 The ONE 及 Watermark
由即日起至2016年11月30日,「亞洲萬里通」 會員於峰景餐廳 The ONE 及 Watermark 消費滿 600 港元或以上,可賺取四倍里數,即係每消費1港元可賺2里數 。
峰景餐廳曾經屹立山頂超過22年,係情侶拍拖同一家大細嘅美好回憶!而餐廳於9月搬咗去尖沙嘴新店,不過照樣可以於夜景下享受各國美食。
海鮮冷盤$898
美國頂級切法西冷扒$386
如果於2016 年 11 月 30 日前消費$1500,以1 港元可賺 2 里數計算,可賺3000里。
2.金滿庭京川滬菜館
由即日起至2016年11月20日於餐廳進膳滿600港元或以上,可享額外300「亞洲萬里通」里數,及每枱免費獲贈四件裝「一口小籠包」一籠(價值32港元)。
以擔擔麵同小籠包為招牌嘅金滿庭京川滬菜館提供京、川、滬三地美食,亦係「法國米芝蓮」推薦嘅餐廳之一。
小籠包$64(8隻)
擔擔麵$44
如果於2016 年 11 月 20 日前消費$700,以平日2 港元可賺 1 里數計算,加上額外300里數,可賺650里。
3.foodpanda
2016年11月17日前,於 foodpanda 訂購 美食滿 300 港元或以上,每消費1港元可賺取1里數。
可能比較少人聽過foopanda,佢係香港最大網上外賣速遞平台,同超過1000間餐廳合作。只需要簡單4個step就可以方便訂購外賣。
個人幾欣賞foodpanda有埋外賣速遞時間,方便用家預計時間。
而於推廣期內消費額最高之五名會員,更有機會贏取總值 30,000 港元 foodpanda 滋味獎賞!
如果於2016 年 11 月 17 日前消費$455,以每消費 1 港元可賺取1里數,可賺455里。