嚴選澳門食住玩優惠(二)
嚴選澳門食住玩優惠(二)
相關信用卡:

嚴選澳門食住玩優惠(二)

發表日期: 2014 年 04 月 25 日 更新日期: 2014 年 04 月 25 日 旅遊
作者:Lady C.

話說上回講咗如何可以住平啲澳門銀河酒店(其他酒店如此類推),呢幾日澳門威尼斯人酒店嘅「週年誌慶5天星級熱賣」廣告就老是常出現喺報紙上,65折真係好吸引Lady C.我呀!因為以前聽過朋友講佢住呢度得好爽,四樓個室外泳池又正!不過亦都有朋友話我知佢住果間房好殘,懷疑係被某啲唔守規矩嘅旅客住歪哂,唔知有冇最近入住過嘅師兄/師姐可以分享下住後感呢?

吹完水又係時候講心水。我再搵到一啲訂其他澳門酒店都有平些許嘅信用卡優惠,不過貌似好多都就完。而油蔴地旅遊有限公司就同信用卡做緊全年優惠,每房折扣$20……覺得一草草慳唔夠爽?Lady C.早已預備好Plan B,例如係拎中銀銀聯雙幣卡去全港旅行社一炮碌夠$5,000就至少回5%(慳$250)!

預左有人想知邊間澳門酒店碌到$5,000啦!呢個係其中一個答案:


咁去得澳門玩,唔係剩係瞓酒店同去賭錢咁悶下嘛?香港又一城期間限定嘅水舞間表演欣賞唔到,去返新濠天地睇正版啦!買唔到優惠套票可考慮用東亞信用卡上官網訂9折門票。Lady C.以前睇過一次,坐C區,坐最邊邊但都睇得清楚嘅!

聲色匯演 慾望釋放!Taboo色惑都有優惠,不過就好明顯唔適合一家大細去睇嚕!

至於食飯,Lady C.去過澳門塔上旋轉餐廳食自助晚餐,環境同嘢食都好好Feel(咁當然都係睇同咩人食嘅……哎……往事)!總之以我所知,去旅行社買套票時要求幫忙訂埋會有平少少嘅價,但除此以外都可以選擇其他酒店餐廳嘅,好似大倉酒店和庭餐廳星期六及日自助晚餐用中銀卡碌有88折!好唔好食我就真係唔知喇……

和座餐廳其中一道主打菜:三文魚他他拌豉油綿花糖及日式芥辣蛋醬(縮縮北行鳥!)