嚴選日本平上平酒店之選

嚴選日本平上平酒店之選

相關信用卡:

嚴選日本平上平酒店之選

發表日期: 2013 年 12 月 27 日 更新日期: 2013 年 12 月 27 日 現金回贈信用卡旅遊

作者:Lady C.

眼甘甘望住日圓係咁跌……Lady C.忍唔住要出手啦!今次唔講訂機票或者Join旅行團優惠,因為我始終覺得訂機票當然係靠里數換最開心(不過未儲夠)、而旅行團就唔係我杯茶,我都係鐘意自由自在鐘意訓到幾點玩到幾點食到幾點就幾點!所以,今次將焦點放在訂酒店優惠上,一於先搜刮agoda.com同銀行搞既推廣,目標係搵出平、靚、正精選酒店



連蘋果日報都大字標題講……叫我扮睇唔到著數真係唔得囉……

睇返上表,恒生、Citibank既額外折扣推廣優惠期話係12月31日完,但實情係Lady C.深信呢類全年優惠會續期,而家只係未更新咁解。目黎係未確認來年推廣既情況下,匯豐冬日感動賞額外92折比起東亞或渣打推廣似乎幾抵兼幾易玩(利申:Lady C.未計手續費、網上簽帳回贈果類優惠既情況下判斷)。至於渣打的高達15%現金回贈,因為有累積簽賬額要求(Lady C.我唔多鐘意呢種玩法,成日要諗好耐先知當月達唔達到標),而且係抽獎抽2%/5%/15%……好彩抽中15%就話,萬一唔好彩抽中2%,真係會嬲自己點解唔一開始玩其他卡。



因為agoda.com本身都會不定時有特別優惠推廣,所以連埋信用卡額外折扣一齊玩,分分鐘係5折完再打個92折!(當然訂唔訂得切心儀酒店都要講運氣)舉Lady C.最近心郁想去既旅行點——熊本黎講,我個人最想試下入住熊本玉木日式旅館,一黎民宿風有親切感,二黎住榻榻米勁有feel,三黎係折完再折入住日式房包早餐,兩個人除開房價,一晚只係要$362!




去熊本有咩玩?唔計浸溫泉勁梳乎,當然不少得要去朝聖くまモン!

對遊覽熊本市冇興趣都唔緊要!Lady C.我已經為大家準備好其他熱門遊覽點既酒店推介!下表係我抽訂房(舉個閒日做例咁解)資料而製作既,特別推介所指既係我個人覺得值得一試/CP值唔錯既選擇;紅色底即係幾間入面最平/折完後最抵既酒店。同埋講多一點,Lady C.我只推介係agoda.com評分高過8以上既酒店,希望合乎各位自倌需要啦~~~



最後,提提大家,用agoda.com信用卡優惠訂房時有幾點要注意:
  • 好多時agoda.com 顯示既價格係未包服務費、酒店稅、沐浴稅等雜費
  • 用信用卡訂酒店唔會即日過數,多數都係hold limit,有網友反映試過住完返黎先過數都唔奇
  • 如果唔肯定有冇book到,可以send email去酒店問,一般黎講會快過問銀行或問agoda.com
  • 有網友建議大家用酒店當地貨幣訂,會好過港幣訂,咁當然前提都係要閣下覺得個兌率OK甚至係估到佢繼續向下跌先啦
  • 打表果陣漏左The DBS Black卡既93折優惠,一樣,預估會續期,仲可以賺里數,同Citibank PM卡一樣,有得諗