嚟緊退稅 夠你去旅行

上星期發表的財政預算案，財政司司長陳茂波建議，退返打工仔2016/17年度75%薪俸稅。我哋計過，大家退返嘅稅，金額隨時夠你去轉旅行！

 

 

上一篇blog，筆者就同普通打工仔計咗，下年度需要交幾多錢稅，而陳茂波同時建議退返打工仔2016/17年度75%薪俸稅，上限$2萬，唔少打工仔都得益。

2016/17年度的薪俸稅邊際稅階係$4萬。除咗基本免稅額同強積金外，冇其他扣除額嘅普通打工仔，佢哋本來喺該年度的應繳總稅款就如下表所示：

 

▼大家原本要交咁多稅

 

月入1.2萬有稅退

 

月入$1萬的人士，年收入$12萬，低於$13.2萬的基本免稅額，唔使交稅，當然冇稅退啦，但月入約$1.2萬開始，因為有交稅，所以有稅退。

就以月入$1.2萬為例，2016/17年度應繳總稅款，即係要交的稅款本來係$96，預算案寬減75%稅款，即$72後，實質要交嘅稅款只係$24。如果月入$3萬，應繳總稅款係$2.37萬，寬減75%的稅款係$1.78萬，未到$2萬上限，可獲退稅，最後實質交嘅稅款只係$5,925（下表）。

 

▼紅圈所示的係退稅款項，可見月入$2.6萬，已獲退稅近$1.2萬，夠去歐洲。

（想了解稅款的詳細計算方法，請按此參考上一篇blog）

 

 

最多退2萬

 

但係如果月入$5萬，應繳總稅款係$6.25萬，寬減75%的稅款係$4.68萬，高過$2萬上限，所以最多只可獲退回$2萬稅，即係實際要交$4.25萬稅款。

有得退稅，打工仔，特別係交得稅多的中產，隨時退幾千至過萬，夠去旅行，但政府慣常做法都係等一排先會寄返張退稅支票畀大家，大家都係等吓先啦。