嘉嘉's 情人節禮物篇上♥

過年前啨報既頭版大大隻字寫住「七成人戀愛大過天：新世代請假詐病度情人節」。睇到嘉嘉我眼都突埋*0* 我都係九十後之一，仲要未畢業個隻，但諗都無諗過情人節要請假去玩去慶祝………

我要預備還grant loan交電話費儲錢去grad trip，黎緊情人節又要送禮物……唉，雖然戶口數字真係低處未見低（嚎哭中），但嘉嘉一向都覺得應使則使，只要買得精明另一半又鍾意就值回票價啦！所以我今日諗住同大家分享下我認為又抵又正又合適既情人節禮物嗱！

實用型攻略
首先，如果你另一半係實用型既，佢可能會覺得你整朱古力或者織頸巾係浪費時間同精力，點解唔休息打機或者Hea多一陣？對住一個實用型另一半，我覺得應該買電子產品就啱哂啦！

1.Citibank信用卡於豐澤簽賬享高達10%簽賬回贈

嘉嘉我男朋友係做保險既實用型，所以我既心水就係iPad mini。佢唔單止夠輕夠快（A7既chip喎），仲可以等我男朋友好専業禁同客人present tim！經過我落力格價後，原來豐澤早前靜雞雞減左價呀！配備Retina顯示器既iPad Mini本身原價賣緊$4,088， 減價後$3,968咋！我叫媽咪幫我碌卡，因為用Citibank去豐澤簽帳有高達10%回贈呀！即係話部iPad mini係打左個9折咖！正正！快D打去登記啦！（但嘉嘉唔肯定而家去買仲有冇減$120蚊既優惠，所以我都係建議事前打去問一問先穩陣d！）

2. 匯豐信用卡冬日感動大獎賞@百老匯

無Citibank既信用卡有匯豐信用卡都掂！只要去百老匯買佢指定既產品就低至6折。如果我個時買唔到9折既iPad，我肯定會買番部Nikon 1 J3相機，希望男朋友會（為左我）學影相哈哈哈！邊個唔想自己男朋友成日都全神貫注禁望住自己喎（shyshy~~）如果你買比實用型既女朋友佢都一定會好開心，部機夠輕夠新，做Project或者去旅行影相都一流呀！

3. 交通銀行信用卡卡戶的新地旗下商場購物超級賞

真係灰到禁兩張卡都無喎/_\\\唔緊要！有交通銀行既信用卡都得！去新地旗下商場既指定店鋪買滿$2,000或以上，可享受$100折扣優惠！但係蘋果同指定三星產品係唔包括在內咖！所以大家要小心呀！呢個優惠除豐澤之外，仲有超過150間商鋪都用到！順便話大家知，2月16日前去新世紀廣場用電子貨幣買滿$500仲送中西喜愛‧甜蜜禮盒，食埋Macaron同笑口棗，甜死！！

今次講住咁多先！下次再介紹應該買咩禮物比「注重健康型」同「貪靚型」既另一半啦！如果你另一半3隻到型都唔係既，就留個comment比我等嘉嘉同你一齊諗諗計，點先可以買到平靚正既禮物啦：D！