嘉嘉's信用卡collection三♥

嘉嘉's信用卡collection三♥

相關信用卡:

嘉嘉's信用卡collection三♥

發表日期: 2014 年 03 月 07 日 更新日期: 2014 年 03 月 07 日 生活

作者:艾力嘉

日本既信用卡真係夠哂大眾化。上至早前提過好啱女仔既靚靚波點卡,下至無人不歡既可愛Kumamon,甚至有埋我今日要同大家分享既日本遊戲信用卡!

嘉嘉我從來都無打機既習慣,所以初初接觸呢一類卡我認我係有d不知所措…《LOVEPLUS》同《心跳回憶》系列都係模擬戀愛遊戲。遊戲就前者主攻男性市場,後者主攻女性市場,但兩張卡設計好似都幾女性化!



《Monster Hunter》呢套咁出名既動作遊戲出既信用卡實大把男仔爭住申請啦!我玩過一次夜晚竟然發惡夢,屠龍呢d都係啱男仔多d哈哈。



《新楓之谷》同《Nicotto Town》呢種大型多人線上角色扮演免費網路遊戲大人細路都啱玩,申請者應該都幾多~唔知點解睇左面個張我有少少諗起宮崎駿d畫風。一樣都係咁舒服。



呢張卡既主角就係「知多娘」。我係Wiki睇過話呢隻遊戲既誕生係為左將「日本知多半島」既魅力展現比大家睇,咁多個女仔,其實係咪同morning娘差唔多?講真玩遊戲個個會認得哂佢地嘛?我連靚仔bigbang 5個都唔認得…唉=_= 。


《北斗神拳》,一睇就知係熱血野。呢套漫畫講述人類文明毁于核子戰爭blah blah blah…睇見就覺得呢隻遊戲係屬於男人世界既哈哈。


《Stormlover》我上網睇完都唔知佢係玩d咩既…係咪同X-man個個Storm差唔多?定係都係戀愛遊戲?求指教!



我對呢類遊戲主題信用卡既認識少之又少,唔能夠比太多既意見。但如果出左d化妝品呀,或者韓劇主題信用卡我就即刻超多意見兼會仆去申請啦(香港人邊有得申請喎訓醒未-_-)!Anyway,要快快手去煲番我d星星先…金秀賢我來了(Shyshy~)