嘉嘉♥$56平食特級西冷

嘉嘉♥$56平食特級西冷

相關信用卡:

嘉嘉♥$56平食特級西冷

發表日期: 2014 年 08 月 28 日 更新日期: 2014 年 08 月 28 日 飲食

作者:艾力嘉

去IKEA Shopping,行到攰攰哋,嘉嘉都會喺入面嘅宜家家居餐廳食下嘢攤抖下,因為夠平之餘,份量唔會太大,對於女仔嚟講就剛剛好。亦都因為佢價錢夠平,所以即使只係路過,亦會入去食嘢,平平地當一餐。除咗必食嘅肉丸,最近九龍灣同沙田分店嘅餐廳好似多咗啲新嘢,可以去試下喎。

三款特色菜有流心芝士沙樂美腸釀雞胸配薯條 ($33)、  三文魚柳伴蔬菜薯餅及檸檬刁草汁 ($53)、同埋下晝五點後有燒特級西冷配牛肝菌忌廉汁 ($56)。睇落流心芝士沙樂美腸釀雞胸都好似幾特別,但係去啲食評網站睇過下,雖然未係好多人試過,但係試過嘅都話麻麻地,搞到我都唔係好敢試。三文魚柳我就唔係冇咩興趣喇,因為我怕腥=.=。美國西冷牛扒雖然好似薄咗少少,但細食如我都夠晒,呢個價錢算係咁啦。另外仲有三款平價早餐,由$19至$26,配埋咖啡或茶,又係窮人恩物呀~。

有冇勇者試咗流心芝士沙樂美腸釀雞胸?真係唔好食@@?

燒西冷扒睇落幾大塊,但薄咗啲啲,男仔食一塊未必夠飽。

呢款早餐有薯餅、烤番茄、早餐腸、炒蛋、煙肉,配埋嘢飲都係$19,平過早餐全餐。

由於去IKEA食嘢都係幾十蚊小數目,通常都係比Cash或者八達通多,如果大家有建行(亞洲)八達通銀聯雙幣信用卡,可以照嘟照賺分。